“Ауыл” партиясының Төрағасы Серік Егізбаев бастаған Мәжілістегі фракция депутаттарының Алматы облысына жұмыс сапары Алмалыбақ ауылындағы Қазақ егіншілік және өсімдік шаруашылығы ғылыми-зерттеу институтында жалғасты.
Бұл білім ошағы - ел аумағында ауыл шаруашылығы дақылдарының гендік қорын жинау, қалыптастыру, зерттеу мен оны сақтау т.б егіншілік және өсімдік шаруашылығы саласына бағытталған ірі ғылым ордасы. Селекцияның классикалық әдістерін, биотехнологияның, гендік инженерияның заманауи жетістіктерін қолдана отырып, бәсекеге қабілетті өнім өндірумен айналысу барысында егіс дақылдарының 500-ден астам сорттары мен будандары шығарылған.
Мәжіліс депутаттары Серік Егізбаев, Жигули Дайрабаев, Ерболат Саурықов білім ошағы жұмысымен танысып, ұжымымен жүздесті. Ауыл шаруашылығының дамуына қомақты үлес қосып жүрген академик, ғалым-ұстаздар, ғылыми қызметкерлердің сала ахуалына қатысты тұшымды пікірлері мен ұсыныстарын тыңдады.
15 окт 2024
