АРДАҚТАЙЫҚ АНАНЫ, АЯЛАЙЫҚ АРУДЫ!
Бүгін Үржар аудандық мәдениет үйінде 8 Наурыз Халықаралық әйелдер күнінеё арналған мерекелік шара өтті. Шара барысында ауданымыздың ардақты аналары мен аруларын Үржар ауданы әкімінің орынбасары Б.Тұрлыбеков және аудандық тарихи- өлкетану музейінің басшысы, белгілі ақын С Туғанов құттықтады. Ауданымыздың өсіп-өркендеуіне, әртүрлі саласының дамуына сүбелі үлесін қосқан еңбек ардагерлері, еліміздің намысын абыроймен қорғап, көк туын желбіретіп жүрген белгілі споршыларының аналары, әр салада басшылық жасап жүрген нәзік жанды іскер қыздар, ұстаздар қауымы, құқық қорғау саласында, мемлекеттік мекемелерде, әскери және медицина саласында жемісті еңбек етіп келе жатқан аруларымыз бен аудан экономикасының дамытып жүрген кәсіпкер қыздарымызға аудан әкімі А. Башимбаевтың арнайы құттықтауы табысталды. Мерекелік шараның сәнін келтірген Үржар аудандық мәдениет үйі өнерпаздары ана туралы, қыздарға арналған, махаббат туралы әдемі әндер, әсерлі аспаптық композициялар, әзіл-сықақ қойылымын көрсетті. Бағдарламаны Қ. Сатмұхамбетов пен Е. Қайратұлы жүргізіп, "Қарагөз" ансамблі, "Наз" би ансамблі және әнші жігіттеріміз өнерін паш етті. Ауданымыздың талантты азаматтарының ұйымдастырған өнер тартуы нәзік жанды көрермендердің көңілінен шыққаны анық.
25 июл 2024
