Куженер районысо Йывансола культура пöртын «Мурсескем» калык фольклор ансамбль. Вуйлатышыже-Россий Федераций культурын сулло пашаеҥже Евгений Каменщиков.
Петро пазарышке каяльым да
Петыр дене палыме лийылдальым,
Палыме лийын, кутырышым да
Петырынак ватыже лийылдальым.
Петырем да пелашем да
Йöратем да чаманем,
Тый мыланем ит сыре да
Мый мыскарам вел ыштем.
Петро пазар пеледышан маныт-
Писте пеледыш вел улмаш.
Йолташемын йолташыже мотор маныт
Арава чуриян вел улмаш.
Мыйын йолташем йолтышыж ден моктана
Ошо, мотор, кугу капан, ман ойла.
Петро пазарышкет миен ончальымат,
Шÿвалме шÿвыльемат чаманышым.
Петыремын упшыжо
Чылтак пача коваште,
Петыремын еҥгаже
Чылтак чочон вовойжо.
Петыр, Петыр пеш йÿштӧ да
Кидшыге,йолжыге кылмыкта.
Петыремже пеш йорга да
Акажге, шÿжаржыге витарат.
Петырем пальтом чияле да,
Урем мучашке каяле.
Ял мучаште, Павыл ватын пöртӧшыже
Петыремже петырналте.
Петыр, тол-ян, кидет пу да,
Таҥ тошкалын ошкылына.
Ик ой дене илена да,
Ӱмырнам пырля шуктена.
3 окт 2024
