БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Астанада көліктерін бұршақ тесіп өткен жүргізушілер шығынды кімнен өтейтінін білмейді. Өйткені міндетті сақтандыру табиғи апат кезіндегі жағдайларды қарастырмайды. Ал қосымша сақтандыру жасалған азаматтар неге төлемнен қағылып отыр? Көлік жүргізушілері бұндай жағдайда қайда жүгіне алады? Бұршақтан темір тұлпарды қалай қорғап қалуға болады? Руслан Жасұланұлы айтып береді.
Астанада жауған бұршақтан көлігі қирағандардың бірі - Зарина Хамитова. Келіншек жақында автосалоннан алған көлігінің терезесі шытынап, төбесі майысып кеткенін айтады. Бәрін қайта ауыстырып салу үшін үш миллион теңге керек. Ал машинасын табиғи апаттардан сақтандырғанымен ол өтемақыға қол жеткізу мұң болды дейді.
ЗАРИНА ХАМИТОВА, Астана қаласының тұрғыны:
- Сақтандыру компаниясы төтенше жағдай министрлігі мен Қазгидромет кәсіпорнынан көлігім бұршақтың салдарынан бүлінгенін растайтын құжат сұратып жатыр. Құтқарушылар бұл төтенше жағдай емес, сондықтан ешқандай анықтама берілмейді деді. Синоптиктерден де мардымсыз жауап келді. Енді сақтандыру компаниясы бізге өтемақы төлегісі келмей отыр.
Бұршықтан соң жүруге жарамсыз болып қалған темір тұлпар саны Астана бойынша 5000-нан асады. Бірінің терезесі түгелімен қирап кетсе, кейбірінде түзу жері қалмаған. Көлік қожайындары табиғи апаттан келген шығынды кімнен өндіруге болатыны білмейді. Ал мамандар бұндай жағдайда тек ерікті сақтандыруы бар көлік иелеріне ғана өтемақы төленетінін айтады. Яғни, көлігін қосымша сақтандырудан өткізген жүргізушілердің 10 пайызы ғана өтемақы талап ете алады. Сондықтан көбі өтемақыдан қағылады дейді мамандар. Ол үшін міндетті түрде Қазгидромет кәсіпорнынан бұршақ жауғанын растайтын анықтама құжаты болу керек екен.
ҚАНАТ БИМАҚАНОВ, сақтандыру компаниясының директоры:
- Негізі ерікті сақтандыру полисін жасау керек. Ол осындай апаттардан сақтандырады. Мысалы балалар самокат, великпен жырып кетсе де төленеді. Ұрлық, өрт. Мүлде көлікті ұрлап алып кетсе де сақтандыру полисі толық бағасы төлеп береді.
РУСЛАН ЖАСҰЛАНҰЛЫ, тілші:
- Бармақ басындай болатын бұршақтан көліктердің терезесі бірінші кезекте бүлінеді. Ал оны болдырмау үшін қарапайым ережелерді естен шығармаңыз. Тез арада көліктің ішіндегі төсеніштерді алып, алдыңғы жағын жабасыз. Багаждағы төсеншіпен артқы терезелерді жауып қоясыз. Бұл терезеңізді бұршақтан қорғап, көлікті аман алып қалуға көмектеседі.
Астанада жауған бармақтай бұршақтан 52 жастағы әйел мен 6 жасар бала да зардап шеккен. Оларға жедел жәрдем алғашқы көмек көрсетіпті.
Руслан Жасұланұлы, Қобылан Өтегенов Информбюро Астана
------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/c...
TikTok - www.tiktok.com...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
9 сен 2024