Мен - қазақтың баласы!
Қазағым, байтақ елім, сен несібем,
Сен барда кең далаңда кең көсілем.
Атқа мінген кезінде ер қазақтың,
Ешкім басып көрмеген кеудесінен.
Жорықта қолымызды тізгін қажап,
Дәстүрді үзген жоқпыз біз бір ғажап.
Атқа мінсе атойлап, рухтанып,
Жердің жүзін жаулаған біздің қазақ.
Бір күнгідей заулады-ау жүз жыл деген,
Тарихта бір жер барма біз жүрмеген.
Бес жасар баласы да біздің елдің,
Тақымдап асау тайды тізгіндеген.
Жүйіткісең ақ тозаңды аспанға атып,
Жанардан желге қарсы жас парлатып.
Тәуелсіз өз еліңде, бейбіт күнде,
Шаттықтан шапқылаған асқан бақыт.
Намысы нар, талабы тау құлатқан,
Еліміз мініп-түсетін қарғып аттан.
Азат елдің әр күні мейрам болып,
Азаматы түспесін арғымақтан.
(Сырым Әуезхан)
Оқыған: Мұхамедәлі Болатұлы
16 сен 2024
