Шымкент маңындағы Маятас ауылының тұрғындары "Газ бу электр" станциясын салуға қарсы шықты. Олар ауылдарының маңында ауқымды құрылыстың басталатынын бір апта бұрын ғана естіген екен. Содан бері маза қашты деген көпшілік онсыз да "Мұнай өңдеу" зауытынан көргеніміз аз емес дейді. Айтуларынша, аумақта екінің бірі ауруға шалдығып, өлім-жітім көбейген. Ал, атқамінерлер болса елге келер еш зиян жоқ деп сендіреді. Десе де, қолдарында экологиялық сараптама нәтижесі жоқ.
Шымкент іргесіндегі бес ауылдың тұрғындарында бір аптадан бері маза жоқ. Маятас елдімекенінен "Газ бу электр" станциясын салады дегенді естіген жұрт бүгін бас қосты. Маңайдағы өзге зауыттан көрген қорлығымыз аз емес деген көпшілік, таяқ тастам жерден тағы бір өндіріс орны ашылса тұншығамыз дейді.
ӘЛИЯ ИМАНБЕКОВА, Маятас ауылының тұрғыны:
Менің алаңдап тұрғаным осы Маятас сәл де болса таза ауа еді. Бірақ осының өзінде жан -жағымызда нефтеперегонныйдан, битумнан кеп жатқан иістерден көбісі келіндеріміз бала тастап қойып жатыр, жап-жас жігіттеріміз қайтыс боп жатыр, сахардан кетіп жатыр.
Станция соғылу үшін ауылдың 99 гектар жері алынған. Онсыз да жайылым жерге зар боп отырған бұқара енді тіпті төрт түліксіз қаламыз ба дейді. Себебі, мал жаятын жері жоқ ел енді жасыл желектен де айырылып қалуымыз мүмкін деп отыр.
ТҮЙМЕБАЙ БАЗАРОВ, Маятас ауылының тұрғыны:
- Парогенератор деген парды шығару үшін ішіне не деген химикаттар қосылады. Сонда ғана пар болады. Ол пардың 70 пайызы ауаға тарайды. 70 пайыз ауаға тараған пар қайтадан төбемізде бұлт боп тұрады. Ол бұлт боп тұрған соң қайтадан жерге түседі. Жерге түскен кезде бүкіл өсімдік диқаншылықтың бәрін күйдіріп тастайды.
НҰРХАН ИМАНБЕКОВ, Маятас ауылының тұрғыны:
- Біз сейсмикалық қауіпті аймақ боп саналамыз біз таулы жер болғаннан кейін. Олар бізге әлі түсіндіру жұмыстарын жүргізбеді, әлі толық зерттелмеген. Мысалыға жер сілкіні болса платина ашылып кетуі мүмкін.
Көпшілік қоғамдық тыңдаудың өздерінсіз өткеніне де наразы. Ал, шенеуніктер болса 5 ауылдан жиналған 25 адам қарсылық білдірмеді деп есеп берді.
НИЯЗ МҰСАТАЕВ, "ПГУ ТҮРКІСТАН" ЖШС өндіріс жөніндегі орынбасары:
- Бұл жоба қазір экспертизада, экологический экспертизада. Оның қорытындысы осы май айының 15-і күні шығады. Егер заңсыз іс-әрекеттер болса біздің тарап мемлекеттің тарапынан, біздің тарапымыздан заңсыз әрекеттер болса онда соттың шешімі бойынша бұл я тоқтайды я тоқтамайды.
Экологиялық сараптама нәтижесі шықпаса да құрылысқа қамданып жатқан жауаптылар станцияны жоспар бойынша 2025 жылдың соңында аяқтауымыз керек дейді. Ал, бар зардабын көтеретін біз болдық деген 50 мың тұрғын енді петицияға қол жинамақ.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
27 апр 2023