АФЗАЛШО ШОДИЕВ-БАР ДУШАНБЕ ХОКИ КУЛОБ ОВАРЕД 

ЯГОНАГӢ ДАР ДУШАНБЕ Бар Душанбе хоки Кўлоб оваред, Аз Зарафшон рўи каф об оваред. Атри таърихи куҳанро аз Саразм, Шеваи ширини Яғноб оваред. Бар Душанбе боди Дарвоз оваред, Аз уқоби Ванҷ парвоз оваред, Як дили рўшан зи Рўшон армуғон - Вусъати водии Мурғоб оваред. Бар Душанбе чашма аз Рашт оваред, Хиштҳо аз қалъаи Ашт оваред. Аз Хуҷанди бостон гулҳои роз, Маъдани меҳре зи Анзоб оваред. Бар Душанбе шуҳрати Вахш оваред, Рангу бўи тоза аз Лахш оваред, То фазои шаҳр рангинтар шавад, Ранг аз Хингобу Сурхоб оваред. Бар Душанбе нони гарми Данғара, Шаҳду ширинии боғи Исфара, Аз Сари Хосор файзи шаршара - Мастии дарёи Варзоб оваред. Аз Ҳисори шодмон ҷом оваред, Канди нав аз Конибодом оваред, Бар Душанбе шуҳрату ном оваред, Лаҳзае дар дил табу тоб оваред! Барқи Норак, нури Роғон оваред, Лутфи нотакрори Ёвон оваред. Сарфарозиҳои Шуғнон оваред, Гармчашма аз шифооб оваред. Арчаҳои сабзи Шаҳристон бапост, Шурби ангури Хуросон бебаҳост, Шўру шавқи Истаравшан босафост, Шаҳритўсам рафта афтоб оваред. Файзи Файзободу санги Панҷи ман, Хоки Фархор аст беҳ аз ганҷи ман, Хони бозу себи Масчоҳи куҳан - Чормағзу ширу шаҳдоб оваред. Бо асал, бо зираи Вахё расам, Бар намак, бар Хоҷамуъминам қасам, Бе Душанбе бекасам, хору хасам, Сулҳро чун дурри ноёб оваред. Порае аз мулки Доро ёдгор, Аз Самарқанду Бухоро ёдгор, Аз мурувват, аз мадоро ёдгор, Бахти нав, андешаи ноб оваред. Бар Душанбе хоки Кўлоб оваред, Аз Зарафшон рўи каф об оваред. Ховалингу Мунку Ҳулбуки қадим, Шеваи ширини Яғноб оваред. Бузургмехри Баходур.

Е зинда боши устод беҳтарин

Беҳтарин

И чи маьно дорад аку