Дар шаҳри Душанбе Чемпионати CAFA-2024 оид ба футбол байни дастаҳои занонаи то 18-сола ба анҷом расид. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Дар мусобиқа 5 дастаи занонаи минтақа иштирок намуданд. Медалҳои тиллоро футболбозони эронӣ, ки бо се пирӯзӣ ва як мусовӣ 10 имтиёз ба даст оварданд, соҳиб шуданд. Медалҳои нуқра насиби дастаи мунтахаби Узбекистон шуд (9 имтиёз). Барандаи медалҳои биринҷии чемпионати CAFA-2024 дастаи мунтахаби Қирғизистон (7 имтиёз) гардид.
Дастаи занонаи Тоҷикистон таҳти роҳбарии Ҳикмат Фузайлов бо се имтиёз дар ин мусобиқа мақоми чаҳорумро касб намуд. Дастаи мунтахаби Туркманистон бе хол дар зинаи охирин қарор гирифт.
Пас аз ҷамъбасти мусобиқот ҷоизаи махсус насиби дастаи занонаи Тоҷикистон шуд.
Дастаи Туркманистон ҷоизаи «Fair Play» гирифт. Нишонзани беҳтарини мусобиқот бозигари тими миллии Узбекистон Шаҳноза Деканбоева шуд, ки муаллифи 8 гол гардид.
Муфидтарин бозигари чемпионати CAFA-2024 Сумая Исмоилӣ аз тими миллии занонаи Эрон эътироф шуд.
ПОДПИСЫВАЕМСЯ НА КАНАЛ:
Не забываем подписаться на канал,
а если понравилось - поставить Лайк
28 апр 2024
