Bugun yurak to'lib sog'inchga, Koʻzimga yosh ilindi biroz. Dunyo ishin surib bir chetga, Men onamni sog'indim xolos. Tilamadim Xudodan boylik, Bir gap bo'lar maosh ham oylik. Soddagina yuzlari oydek, Men onamni sog'indim xolos. Mushtiparim mungli koʻzimni, Hokisorim dunyom oʻzimni. Do'stim senga ochdim koʻnglimni, Men onamni sog'indim xolos. Kel, bugun bir chekaylik firoq, Olis ketsin bizdan dard yiroq. Jannatimga qilay qoʻng'iroq, Men onamni sog'indim xolos. Men dunyoni sarson bandasi, Guldek narxi arzon bandasi. Yaratganning osiy bandasi, Men onamni sog'indim xolos. Imkonim yoʻq yoʻqlagim keldi, Tizzasida uxlagim keldi. Bolalardek yig'lagim keldi, Men onamni sog'indim xolos. Musofirman olisda ona, Bo'lib yurak bag'rim vayrona. Bitta shoir o'g'ling devona, Men onamni sog'indim xolos. Bugun olis sizdan yiroqman, Oʻsha oʻsha sal telbaroqman. Bolalardek o'yin qaroqman, Men onamni sog'indim xolos.
Шундай гузал овозингиз билан кандай шунча эл билмадик.болам сизга омад ижодингизга куз тегмасин.оллохим панохида булинг.гузал овозингизга хеч хам куз тегмасин