БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Ақтөбеде 9 жастағы бала қатты тербеліп тұрған әткеншектен құлап көз жұмды. Ауыр жарақат алған Абат Русланға ақ халаттылар алғашқы медициналық көмек көрсеткен екен. Алайда есінен танған жеткіншектің демі ауруханаға барар жолда үзілген. Қайғылы оқиға болған көпқабатты үйдің тұрғындары темір әткеншек өте қауіпті деп отыр. Қара жамылған отбасымен өңірдегі әріптесім тілдескен еді.
9 жастағы баланың құлаған сәті бейнебақылау камерасына жазылып қалған екен. Видеодан Абат отырған әткеншекке тағы бір ұлдың мінгесіп, қатты күшпен тербеткенін байқауға болады. Осы сәтте жеткіншек ұшып түсіп, велосипедтің үстіне оңбай құлайды. Ауыр жарақат алған ойын баласының жүрегі жедел жәрдем көлігінің ішінде тоқтапты.
ГҮЛМАРАШ БАЛМАҒАМБЕТОВА, Ақтөбе облыстық жедел жәрдем бекеті бас дәрігерінің орынбасары:
- Диагнозы ашық бас миының жарақаты, бас негізінің ашық жарақаты, оң жақ қабырғасының жабық сынығы, гемоторспен өмір сүруге мүмкіншілігі жоқ жарақат. Травма несовместимо с жизнью.
Ал тұңғышынан айырылған ата-ана қайғыдан қан жұтып отыр. Оқыс оқиға болған сәтте әкесі басқа ұлымен ауруханада жатқан екен. Ал науқас анасы өздігінен жүріп-тұра алмайды. Жайсыз хабарды естігенде арбаға таңылған Әлия қансырап жатқан ұлыма жете алмай, жіпсіз байландым деп зар жылады. Себебі, көпқабатты үйдегі пандуспен сыртқа шығу мүмкін емес дейді.
ӘЛИЯ САҒЫНДЫҚОВА, марқұмның анасы:
- Үстіне мініп тербеткен ғой бір бала. Қой дегенді түсінбеген ғой. Жанын қинап ары қарай ұшырып жіберген. Тұрған да қайтадан құлаған ғой велосипедке. Мына есіктен шыға алмадым. Ана жақта қаншама есіктер бар. Пандус қисайып жатыр. Балам көмектесетін еді ғой шығарып. Артымнан итеріп қолғанатым еді ғой, екінші баламды қалай қараймын енді. Бәрі кедергі. Дұрыстап неге салмайды Үкімет?
КӘМШАТ ҚОПАЕВА, тілші:
- Қайғылы оқиға болған ойын алаңы әлі қоршалмаған. Қазір бұл жерде балалар асыр салып ойнап жүр. Тұрғындардың айтуынша, жалғыз әткеншекке ұл-қыздар күнде кезекке тұрады
НҰРИЯ СӘРСЕНБАЕВА, Ақтөбе қаласының тұрғыны:
- Бүкіл бала осы жерге келіп тербеді, үлкендер де. 18-19-дағы балалар да түні бойы тебеді. Осы әткеншекті негізі алып тастау керек-ау деймін. Қатты тебеді балалар. Ең болмаса қатты теппейтін қылып, сварка жасап қою керек.
4-ші сыныпта оқыған Абат спортпен шұғылданған. Осыдан екі күн бұрын ғана каратэден өткен жарыста жеңімпаз атанған екен. «Тәртіпті, озат оқушы еді» дейді ұстаздары. Ал полиция іс қозғап, тергеуді бастап кетті. Кәмшат Қопаева, Жомарт Құдайбергенов, Информбюро. Ақтөбе облысы.
----------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/c...
TikTok - www.tiktok.com...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
19 сен 2024
