БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Елімізде соңғы бір жылда жинақ депозиттері шамамен 61 пайызға өскен. Алайда банктер ұзақ мерзімге ашылатын салымның мұндай түріне қомақты сыйақы ұсынбайтын болған. Өйткені, Қазақстанның депозиттерге кепілдік беру қорының хабарлауынша, қаржылық ұйымдар бүгінде пайыздық тәуекелге барғысы келмейді. Ал бұған не себеп болуы мүмкін? Енді ақшаны қалай тиімді жинауға болады? Сарапшылар пікірі қандай? Тақырыпты әріптесім Оразай Нұртайұлы жалғастырсын.
ОРАЗАЙ НҰРТАЙҰЛЫ, тілші:
- Елімізде 2018 жылдан бері депозиттің 3 түрі бар. Олар мерзімсіз, мерзімді және жинақ болып бөлінеді. Әрқайсысының талаптары мен тиімділігі әртүрлі. Мысалы, мерзімсіз депозит қалаған уақытта ақшаны шешіп алып, кез келген сәтте қайта салуға мүмкіндік береді. Бірақ табыс деңгейі қалған екеуіне қарағанда төмен болады. Ал "жинақ" салымда ондай еркіндік болмаса да сыйақы көбірек. Бірақ Депозиттерге кепілдік беру қоры өкілдерінің хабарлауынша, қазіргі уақытта банктер ондай ұзақ мерзімді салымдарға марапат ретінде қомақты сыйақы беруді қойған.
АЙБОТА ЖАППАРБЕРГЕН, "ҚДКБҚ" АҚ ресми өкілі:
- 1 жылдан 3 жылға дейінгі мерзімге ашылған салымдар бойынша жоғары пайыз ұсынудан бас тартып отыр. Ұлттық Банк ұзақ мерзімде емес, қысқа мерзімде нарықтағы жағдайларды ескере отырып, сыртқы сын-тегеуріндерді ескере отырып, өзінің базалық мөлшерлемесін өзгертуі мүмкін.
Ал қаржыгерлер пікірінше, қазіргі инфляция деңгейі мен теңгенің әлсіреуіне байланысты отандық валютада ұзақ мерзімді депозит жинау тиімсіз. Өйткені мүлік алу мақсатында ашылған салым толып болғанша ондағы ақшаның құны жоғалып кетуі мүмкін дейді. Сондықтан табыстың бір бөлігін экономикалық жағынан тұрақты валютада сақтаған абзал деген ойда.
РАСУЛ РЫСМАМБЕТОВ, қаржыгер:
- Ақшаның 60 пайызына доллар сатып алып, қалғанын мерзімсіз депозитте сақтаған жөн деп ойлаймын. Өйткені қазір ұлттық валютамыз 1 айдың өзінде айтарлықтай әлсіреді. Мысалы қазір доллар құны 470 теңгеден асты және тұрақтаған жоқ. Ал салымшыларға тұрақтылық маңызды. Дегенмен, бұл барлық қаражатты шетелдік валютада жинау керек деген сөз емес. Өйткені теңгедегі депозитке ұсынылатын сыйақы мөлшері де жақсы. Бірақ ұзақ мерзім жинау, дәл қазіргі жағдайда, тиімсіз болады.
Салымшы ұтылмас үшін депозиттің мерзімсіз, яғни, ақшаны кез келген уақытта шешіп, қайта салуға ыңғайлы түрін таңдағаны дұрыс дейді қаржыгер. Айта кетсек, бүгінде салымның бұл түрі ел ішінде онсыз да жиі қолданылады. Ал депозиттерге кепілдік беру қорының мамандары салымның қандай түрі болса да, оны ашпас бұрын шартын толық оқып, талаптарымен танысып, мерзімі мен оны ұзарту мүмкіндігін мұқият зерттеуге кеңес береді. Одан бөлек, депозит бойынша банктің кепілдік мөлшеріне де назар аудару маңызды екенін еске салды.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
8 июл 2024
