Базарлар кайрадан мамлекетке өтүш керекпи? Акыркы мезгилде мурда мыйзамсыз жеке менчикке өтүп кеткен базарлар четинен мамлекетке алынууда. Жеке ишкерлердин ыктыярдуу тапшыргандары да бар. Жыл башынан бери УКМК тарабынан Ош облусунун Өзгөн районундагы дээрлик жарым миллиард сомдук 5 гектар базар мамлекетке кайтарылган. Мындан сырткары Баткендеги Аскар Шадиевдин «Баткен-Комфорт» базары мамлекетке өттү. Ошондой эле Жалал-абад облусунун Аксы районундагы мурда Кербен шаарынын балансында болгон борбордук базар мамлекетке алынган.Жакындале Жалал-Абад шаарынын борбордук базарынын бири мамлекеттин менчигине өттү. Базар жайгашкан жер тилке учурунда мыйзамсыз берилип, азыр кайра кайтарылганы маалым. Албетте бул биз эсепке кошкондорубуздун бир чети гана.
Бул жумада “Регион” телеканалына Жалал-абад облусунун Базар-Коргон шаарынынан соодагерлер кайрылышып, кезинде жеке колдорго өтүп кеткен базарды мамлекетке кайтарып алуу талабы менен чыгышты. Учурда контейнерлери буздурулуп жаткан тургундар укуктары корголбай жатканын билдиришет. Талашта турган базарга ким чекит коёт?
Эки тарап тең К.Ташиевге кайрылып, көзөмөлгө алууну суранып турушат. Ал эми Базар-Коргон мэриясы базарды мэриянын балансына алууга кызыктар. 1999-жылы берилип кеткен токтом жокко чыкканын маалымдап, соттун жыйынтыгы менен кайтарыларын билдиришкен.
-----------------------------------------------------------------------------------------------------------------
Официальный сайт: regiontv.kg
REGION TV @ Instagram / regiontvkg
REGION TV @ Facebook / regiontvkg
REGION TV @ Одноклассники ok.ru/region.kyrgyzstan
17 май 2024
