Баламет фад етим хьана. 10 яшинда аваз адан хиве 3 вахни, диде амукьна.
Адав агатай, рахур касдиз лагьайтIа, адан кьатIунра чIехибурулай аламай пун, алай аямдин чирвилерин гелер аквадай…
#ФильмАВТОБИОГРАФИЯ #СтIурвидКРАР #SturviDOC
Ада зурба крар авуна, бубадиз рагьмет гъана. Вичин гьаятдал алай гамиш гана, эл мелез кIватIна, вацIал муьгъ эцигна.
КIвал эцигзавайбурун гъил кьуна, абуруз рехъ къалурна. Гьар хзандик вичин пай кутуна…
Жегьилриз рехъ къалурна, кIелез ракъурна… Кардал алайбуруз кьумекар авуна, алакьунарин сир ахъайна…
Вичин бубадин рехъ кьуна, дуст-таниш кIватIна. КIвачин гьерекат, кIваликай мугьман кьери авунач… Хуьруьз атай гьар са инсан адаз илифна. Уьмуьрдин рехъ кутаз чирна.
Гьамишани дидедин хатур вине кьуна, кIвалин дишегьлийриз гьуьрмет къалурна. Аялриз хатур-гьуьрметдив кар кIалубда тваз чирна…
И кIвалин хванахвайрин арада и камарин тIвар дуьнядиз чирай генерал Эбилов Магьмудни авай, лугьуз тежер чIехи образар чандал гъанвай Фуад Поладован буба Рза халуни.
Им са лезгидикай туькIуьрнавай фильм я. Заманайрин азабриз таб гана хзан хвенвай, хуьруьз, элдиз файда гана, тарихда вичиз чка авунвай са лезги итимдикай фильм.
ПРОЕКТДИКАЙ:
И фильм Этибар СТIУРВИДИН "Пунал алай ксар-сихилдин тар" проектдин КцIар райондин Эчехуьряй тир Баламетрин хзандикай тир сериядин 5 лагьай фильм я.
Лезгидалди "Шагьдагъфильм" документальный кинойрин студияда, азербайжан ва урус чIаларалди "S_production.Baku" студияда арадал гъанва.
Баламетрин сихил - са лезги хзандин къенин югъ, пун, тIул къалурун патал тухванвай жагъурунрин проект я. Ахкунар, жагъурунар, чIугунар кьиле гайидалай кьулухъ арадал атай материалрикай 5 документальный фильм туькIуьриз хьана.
4 - фильм: ЧIехи ДИДЕ - сихил туькIуьрай Селми
Хендеда амукьай Селмиди тек хцихъ галаз хзандин, кIвалин-къан аявал авуникай,
несилдин тIвар хкажуникай я.
Фильм лезгидалди я, зур сят физва.
3- фильм: Эшреф БАЛАМЕТОВ - илимдин кукIушра авай алим
Балажадин хтул, энергетикадин рекьяй алим,
РФ Электроэнергетика Академиядин академик
Эшреф Баламетован уьмуьрдин рекьикай,
агалкьунрикай я, мукьва инсанрин,
илимдин рекье авай алимри ийизвай
ихтилатрин винел туькIуьрнава.
Фильм азербайжан чIалал я, са сят кьван физва.
2- фильм: ЭчIехви АЛИК - рикIел хкинар
Балажадин хтул Аликан кар алакьунрикай,
кьиле тухвай крарикай рахазва,
адан таярин, дустарин ва кеспида санал хьанвай
ксарин рикIелхкунрин винел туькIуьрнава.
Фильм азербайжан чIалал я, зур сят физва.
1 - фильм: НЕСИЛДИН ТАР - Балажадин хкягъун
Фильмда ЭчIехуьруьз Тигьиржалай атанвай
Балажади туькIуьрай хзандикай,
пунал алай хесетрикай,
а хзанда арадал атай несилдин
къенин йикъакай рахазва.
Фильм азербайжан чIалал я, са сятдилай виниз я.
26 апр 2024
