ОАВ биз ҳақимизда
Мен ҳам бир кун шу касалдан тузалармиканман, деган хаёл ўтарди кўнглимдан, -дейди 22 ёшли Маъсуда Хурдақова.- Буйрак кўчириб ўтказиш жарроҳлик амалиётидан кейин ўзимни жуда яхши ҳис қилаяпман. Ҳали ёшман, олдимга қўйган бир қатор мақсадларим, орзуларим бор. Бизга иккинчи ҳаёт бағишлаётган, молиявий қўллаб-қувватлаётган Президентимизга, Давлат тиббий суғуртаси жамғармасига раҳмат.
Маълумотларга кўра, Сурхондарё вилоятида буйрак етишмовчилигидан азият чекаётган беморлар сони 600 нафарини ташкил этади. Ҳозирги кун ҳолатида 100 нафардан кўпроқ беморда буйрак кўчириб ўтказиш амалиёти бажарилди.
Жорий йилнинг ўтган даврида марказимиз мутахассислари 179 нафар беморда юқори технологик жарроҳлик амалиёти бажаришди, -дейди Республика ихтисослаштирилган хирургия илмий-амалий тиббиёт маркази директори Саидмурод Исмоилов.- Этиборлиси, уларнинг 35 таси ҳудудларда амалга оширилди. Ҳар бир беморга дори воситалари ўз вақтида етиб келиши, тегишли миқдорда ва белгиланган вақтда қабул қилиши беморни кейинчалик соғлиғини тиклашида муҳим омиллардан ҳисобланади.
Батафсил: "Ўзбекистон 24" ТВнинг "Ахборот 24" информацион дастурида
17 июл 2023