Андижон вилоятида инвестиция дастури асосида кўплаб корхоналарнинг фаолияти йўлга қўйилиб, янги ишчи ўринлари яратилмоқда. Айни дамда Булоқбоши туманидаги «Қашқар» маҳалласи ҳудудида ана шундай корхоналардан бири “ANDIJAN WCC CEMENT” МЧЖ ХК цемент ишлаб чиқариш заводининг қурилиш ишларига старт берилди.
Унда вилоят ҳокими Шуҳратбек Абдураҳмонов бошчилигидаги мутасаддилар, хитойлик мутахассислар, кенг жамоатчилик вакиллари ва ОАВ вакиллари иштирок этмоқдалар.
Жараёнда корхонанинг қурилиш ишларини бошлаш учун махсус старт «ТУГМА» босилиб, техникалар ҳаракатга келтирилди.
Лойиҳа қиймати 250 миллион АҚШ долларини ташкил этган мазкур корхонада Хитой давлатларидан келтирилган дастгоҳларда 3 хил турдаги барча цемент маҳсулотлари ишлаб чиқарилади. Шунингдек, хорижий инвестиция маблағлари ҳисобига 40 гектар майдонда бунёд этилган корхонанинг йиллик қуввати 2-2,5 миллион тоннани ташкил этади. Экспорт қуввати 10 миллион АҚШ долларини ташкил этиб, Европа давлатларига йўналтирилади. Натижада корхонада 1 000 та янги иш ўринлари яратилади. Ишчиларнинг 300 нафарини ёшлар ташкил этмоқда.
29 сен 2024