686/40 - Әбу Сағид әл-Худри (р.а.): «Пайғамбарымыз ﷺ мал тумайынша ішіндегі баласын, желіндегі сүтті, қашып кеткен құлды, бөлінбеген олжаны, қолға алмаған садақаны және сүңгушінің бір сүңгіп алып шыққан нәрсесін алдын ала сатып алудан тыйды», - деді. Хадисті Ибн Мәжә, Баззар және Дарақутни әлсіз иснадпен риуаят еткен.
687/41 - Ибн Масғудтан (р.а.): Аллаһ елшісі ﷺ: "Судағы балықты сатпаңдар, расында, ода қатер бар", - деді. Хадисті Ахмад риуаят етіп оны сахабаның сөзі екеніне сілтеді.
688/42 - Ибн Аббас (р.а.): «Аллаһ елшісі ﷺ жемістер жеуге келмейінше, малдың жүні үстінен қырқылмайынша және желіндегі сүтті сатудан тыйды», - деді. Хадисті Дарақутни және Табарани Әусот кітабында риуаят еткен.
Бұл хадисті Әбу Дәуд Икримадан «Маросил» кітабында келтірген және Ибн Аббастан мықты тізбекпен мауқуф қылып келтіреді. Байһақи хадистің мауқуф екендігін дұрыс қылды.
689/43 - Әбу Хурайра (р.а.): «Пайғамбарымыз малдың ішіндегі төлді сатудан және еркек малдың беліндегі ұрығын сатудан тыйым салды», - деді. Хадисті Баззар риуаят еткен, алайда тізбегінде әлсіздік бар.
17 сен 2024
