Мақтаарал ауданы «Алаш» ауылының тұрғындары арнамызға арнайы сұхбат беріп, шағымданған болатын. Жергілікті Халық ауылда орналасқан №14 «Жас алаш» мектебінде орын алып жатқан келеңсіздіктерді айтып, мәселенің ақ -қарасын ажыратып беруді сұраған. Арыз иелерінің айтуы бойынша аталмыш білім ордасында балаларға мұғалімдердің қол көтеруі толастамай тұр. Мектеп мұғалімдері біліміне емес, білегіне сенген сыңайлы. Мектепке балалар білім алу үшін емес, ұстаздан ұрыс есітіп, таяқ жеуге баратындай. Осыған дейін қит етсе жұдырықтарын ала жүгіретін ұстазадраға жеңіл шара көріліп, мәселе ат үсті қаралған. Оқушыларды дөмпештеп, таяқтың астына алған ұстаздар бұдан кейін де білім алушыларға қол көтеріп, әлімжеттік жасамауына кім кепіл?! Әр бала мемлекеттің қорғауында екенін ескерсек, балармызды мектепке жіберуден қорқатын болдық дейді ата -аналар. Ал мектептке бір ай бұрын жаңадан тағайындалған директор Ербол Ақназаров мұғалімге тек ескерту берумен ғана шектеліпті. Бір қызығы қол көтерген мұғалімдер тап сол директордың туыстары болып шыққан. Бірі қайнысы, енді бірі бөлесі тағы бірі жақын туысқаны. Ал аудандық адами әлеуетті дамыту бөлімінің мамандары мектеп басшысына тек сөгіс берумен ғана шектелген. Бұл бойынша мектеп оқушысының ата-анасы сотқа да жүгінген, десекте іс екі жақтың келісімімен медиациялық тәртіппен шешіліпті. Ал екініші баланың ата- анасы мұғалімге кешірім беруді ұйғарған.
7 окт 2024
