Хор храма Великого Благоверного Князя Александра Невского города Риги.
Регент Ирина Килдыш
Тропари на водоосвящении, глас 8
Глас Госпо́день на вода́х вопие́т, глаго́ля:/ прииди́те, приими́те вси/ Ду́ха прему́дрости,/ Ду́ха ра́зума,/ Ду́ха стра́ха Бо́жия,// я́вльшагося Христа́. (Трижды)
Днесь вод освяща́ется естество́,/ и разделя́ется Иорда́н,/ и свои́х вод возвраща́ет струи́,// Влады́ку зря креща́ема. (Дважды)
Я́ко Челове́к, на реку́ прише́л еси́, Христе́ Царю́,/ и ра́бское Креще́ние прия́ти тщи́шися, Бла́же,/ от Предте́чеву руку́// грех ра́ди на́ших, Человеколю́бче. (Дважды)
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в, ами́нь.
Ко гласу вопиющаго в пустыни, уготовайте путь Господень. Пришел еси, Господи, зрак рабий приим, крещения прося, не ведый греха: видеша Тя воды и убояшася. Трепетен бысть Предтеча, и возопи глаголя: како просветит светильник Света? Како руку положит раб на Владыку? Освяти мене и воды, Спасе, вземляй мира грех.
#music #singing #acapella #art #celebration #orthodox #choir #god #православие #christmas #достойноесть #pentatonix #богослужение #рождество #православнаярига #рига #riga #latvia #god #holyspirit #святойниколай #александрневский #сергиевпосад #крещение #иерусалим
27 авг 2024