Эстен кеткис эски ырлар
Гүлүмай
с.о. Сыймык Бейшекеевдики
Кызыктырган гүлүм ай,
Кызыгамын билиң ай.
Жандап баса албаймын,
Жалтантат го сүрүң ай.
Кыйнап мени бүттү го,
Кызгалдактай түрүң ай.
Күлмүң көзүм татынам,
Күбүлбөсүн бүрүң ай.
Кайырма:
Ах гүлүм ай, гүлүм ай,
Сага таза дилим ай.
Чаңкап суусап ыр ырдап,
Чарчады го тилим ай.
Ох гүлүм ай, гүлүм ай,
Сага таза сүйүүм ай.
Чаңкап суусап ыр ырдап,
Чаалыгып мен жүрүм ай.
Басканың куп маралдай,
Батынып мен баралбай.
Чаңкоом сага канбады,
Чай ичкендей карандай.
Кол сунсам да жетпедим,
Койсоң эмне жаралбай.
Ээнсиреп кыйналдым,
Эл баспаган аралдай.
Суу аласың булактан,
Сугум артып караткан.
Качан сага сырдашам мен,
Калыс болчу жараткан.
Сезилбестен өткөмбү же,
Сени сүйөр курактан.
Таң беремин жүрөкө,
Тамшандырып сураткан.
Ырдын чыккан жылы
2005-жыл август айы. Бишкек.
20 авг 2024