Во „Нешто конкретно“ оваа недела зборуваме за тоа дали жените се плашат од силни жени. Дали на жената со став и е многу потешко да стигне до зацртаната цел или напротив многу полесно. Дали позади секоја јака жена стојат многу жени кои што превртуваат со очи и се користољубиви и дали силната жена е инспирација или фрустрација?
На оваа тема дебатираме со Данела Арсовска, Пулексенија Јовановска, Васка Леонтиќ и Зуица Лазова.
Денеска силни и успешни жени, но какви беа тие во средно? Васла Леонтиќ зборува за своите почетоци, како авангардна средношколка таа често била бркана од часови затоа што се облекувала поинаку од останатите, вели ретки беа професорите што успеаја да го забележат мојот талент. Таа откри дека сите оние другарки што ја викаа фризерка тогаш, за своите свадби дојдоа кај фризерката да си ја средат косата.
На прашањето дали сакала да биде кралица или принцеза кога била мала Зуица Лазова одговори дека ниту едно ниту друго. Таа себеси се опишува како машкоданка и немирно дете чиј татко постојано бил повикуван поради проблемите што ги правела.
Готват ли силните жени по дома? Данела Арсовска вели дека нема проблем со готвењето, но има со времето, поради големите обврски се поретко се стигнува дома за ручек.
Таа себеси се смета за добар возач иако во последно време ретко вози, но не смета дека тоа е поврзано со карактерот на жената, вели дека е битна желбата и афинитетот, ако се сака се може.
Што би земала Пулексенија Јовановска од силните жени низ светот? Таа од Кралицата Елизабета го одбра кралството, од Џенифер Лопез мажот и кариерата, од Ангела Меркел строгоста, од Северина смелоста, од Клеопатра начинот на кој што ја пренесе негата на жената и од македонската домаќинка трпението.
Гледајте ја целата емисија и слушнете ги целосно приказните што за себе ги раскажаа овие четири силни жени.
Емисијата „Нешто конкретно“ се емитува секоја недела во 17.00 часот на Телма.
Васка Леонтиќ: „Другарките ме викаа фризерка затоа што учев во Димитар Влахов“
Васка Леонтиќ: „15 километри возев во спротивен правец на автопат“
Зуица Лазова: „Ниту кралица ниту принцеза, бев немирна машкоданка“
Васка Леонтиќ: „Во средно облеката ја носев наопачки, ме бркаа од часови“
Зуица Лазова: „Во средно бев Штипјанка во Белград, морав да се докажувам дека вредам колку и тие“
Васка Леонтиќ: „Сакав да бидам многу позната, кога ќе пројдам сите да паѓаат у транс“
Пулексенија Јовановска: Од Џенифер Лопез најмногу го сакам нејзиниот маж!
26 авг 2024
