Маълумоти мухтасари таърихӣ. Ноҳияи Шамсиддин Шоҳин дар қисми ҷанубу шарқии Ҷумҳурии Тоҷикистон ҷойгир аст. Кӯҳистони ноҳия ба қаторкуҳои Ҳазрати Шоҳ мансуб буда, маркази ноҳия дар баландии 2000 метр аз сатҳи баҳр ҷой гирифта аст. Баландии қаторкуҳҳои ноҳияи 2,5 - 3000 метр мерасанд. Масоҳати ноҳия 228, 4 км-и мураббаро ташкил дода, дар шарқ бо давлати исломии Афғонистон (144 км), дар шарқу шимол бо ВМКБ (ноҳияи Муъминобод), аз ғарб бо шаҳри Кӯлоб ва аз ҷануб бо ноҳияи Мир Саид Алии Ҳамадонӣ ҳамсарҳад мебошад.
Аз марказӣ нохия то шаҳри Кӯлоб 32 км., шаҳри Бохтар 197 км ва то шаҳри Душанбе 237 км роҳи афтомабилӣ тул мекашад.
Бояд зикр намуд, ки 03.03.2016 бо Қарори Маҷлиси Олии Ҷумҳурии Тоҷикистон номи ноҳияи Шӯрообод ба Шамсиддин Шоҳин иваз карда шуд.
Мавзеъҳои ҷолиби сайёҳӣ. Ноҳияи Шамсиддини Шоҳин бештар ба оромгоҳҳои шахсиятҳои бузурги таърихиву ирфонӣ шуҳрат дорад. Аз ҷумла, Оромгоҳи Домулло Баҳодур, мазори Абумуслим, (мансуб ба Абумуслими Хуросонӣ), Пири Олуча, Имом Алии Аскарӣ, Девдори Сабз, Шарофуддини Валӣ, Искӯлоб (шаҳри қадимаи Кӯлоб бо ин ном ёд мешавад), Санги Чил, Ҳоҷи Раҳматулло, Ёримуҳаммади Валӣ, Бобо Қамбар, Бибӣ Гулрез, Хоҷаи Ҷанмард, Шайх Муҳаммадамони Валӣ, Хоҷа Равшаноӣ, Хоҷа Абдусалом, Хоҷаи Сабзпӯш, Пири Кулол, Пири Зангиён, Хоҷамакияҳи Валиӣ, Пири Дарёбанд, Эшони Домулло, Домулло Мӯсо, Бибӣ Соила, Шайхи Марванда, Робиямоҳи Чилгазамӯ, Домулло Файзӣ, Бобошои Валӣ, Хоҷаи Душанбе ва Имом Ҷаъфари Содиқ.
Инфрасохтори хизматрасонӣ. Ноҳия дорои терминали мусофиркашонӣ, меҳмонхона, бозору мағозаҳо, иншооти фарҳангиву маишӣ ва дигар шароитҳои зарурӣ мебошад.
Касбу ҳунарҳои мардумӣ. Дар ноҳия касбу ҳунарҳои зиёде дар ҳолати рушд қарор доранд, ки онҳо таваҷҷуҳи сайёҳонро ба таъриху фарҳанги миллати тоҷик ҷалб намуда, аз онҳо чун армуғон харидорӣ менамоянд. Аз он ҷумла метавон аз ин ҳунарҳо ном бурд: қамчинбофӣ, дутортарошӣ, намадбофӣ, рафидадӯзӣ, заргарӣ, чакандӯзӣ сабадбофӣ, табақтарошӣ, сӯзанидӯзӣ, зардӯзӣ, ҷӯроббофӣ, оҳангарӣ, қолинбофӣ ва ғайра. Вижагиҳо. Ноҳияи Шамсидини Шоҳин чор чизе дорад, ки дар дигар ҷо ба он шакл пайдо кардан номумкин аст. Якум анори хушлаззати Даштиҷум, дуюм себҳои ширину обдори Шӯрообод, сеюм насими форами Терай ва чорум табақи чилгушагии қуртоб бо равғани зард дар фасли замистон. Инчунин, дар ноҳия мамнуъгоҳи Даштиҷум ҷойгир аст, ки олами зиндаи набототу ҳайвоноти нодирро ҳимоя мекунад.
#travel #travelling #traveloftajikistan #tajikistan #welcometotajikistan #traveler #touris #tourist #trip #ilovetravel #travelbug #traveladdict #mytravel #traveltheworld #traveldiary #travelholic #visiting #sunset #travelandlife #mountains #scenery #spring #summer #autumn #winter #путешествие #путешествия #путешествуем #поход #туризм #турист #туристы #поездка #отпуск #отдых #отдыхаем #тур #путь #таджикистан #горы #пейзаж #весна #лето #осень #зима
11 сен 2024