"Айыҡ ауыл"конкурсы сиктәрендә уҙғарылған"Иң айыҡ урам“акцияһына Урманлы һәм Дуҫлыҡ урамдары ла ҡушылды.Был сара"Сәләмәт тәндә-сәләмәт рух"девизы аҫтында уҙҙы.Олоһонан алып кесеһенә тиклем сана,саңғы шыуҙы,саф һауала һаулығын нығытты.Ҡатнашыусыларҙы өҫтәлдә шыжлап самауыр сәйе көтөп торҙо.Өҫтәлгә һыйҙар менән килеүселәргә ҙур рәхмәтебеҙҙе белдерәбеҙ.Ауыл хакимиәте башлығы Раиль Ғалимьян улы еңеүселәргә иҫтәлекле бүләктәр тапшырҙы.Сара бик күңелле уҙҙы,барыһы ла риза булып,бындай саралары йышыраҡ уҙғарырға кәрәк,тигән һығымта яһап,таралышты.
28 сен 2024
