Ассалому алайкум, азиз гул шайдолари! Бу доллар гулимиздан бундан икки ой олдин барглари ва новдаларидан олиб, кўпайтириш учун қўйган эдик. Шу новда ўринларидан яна новдалар чиқиб ўса бошлаган. Доллар гулни тупи15 - 20 см гача жойи очиқ қолдирилиб, кейин шохлаб бошласа, тупи чиройли кўринади. Шунинг учун янги чиққан новдалар кўпайтириш учун олиниб, тупи тозалаб турилади. Доллар гулни барглари 2 ой олдин олиб кўпайтириш учун қўйилган эди. 2ойда барглардан чиққан новдалар 1.5- 2 см гача ўсган. 2 ой олдин 2 та идишга 2 тадан 4 та новда бир вақтда экилди. Идиш қанча кичик бўлса, новдалар шунча тезроқ ўсади. Чунки олдин илдиз ривожланади, кейин новда ўсади. Доллар гулни ҳам, ёш ниҳолларни ҳам тупроқ юзаси қуруқ ҳолга келиб, суғориш вақти келган. Ацетилсалициловая кислота аспирин деб юритилади. 1 дона аспирин таблеткаси 1 литр сувда эритилиб, гулларни баргларига пуркалади. Ортиб қолган суюқлик билан гулларни суғориш мумкин. 1 - декабрист гулимизни ривожланиши яхши бўлганлиги учун унга аспирин эритмаси пуркалмаган эди.
2 гул ривожланишдан анча орқада қолган эди. Иккинчи гулга бир ҳафта давомида икки марта аспирин эритмасидан пуркалди. Шундан кейин ҳар бир барг охирида ғунчалари пайдо бўлди. Аспирин эритмасидан фикусга ҳам пуркалган эди. Барглари, новдалари анча йириклашиб, яхши ривожлана бошлади. Аспирин таблеткаси эритмасини кучсизланиб қолган гулларни баргларига пуркаб, гулларни иммунитетини мустаҳкамлаш мумкин. Аспирин эритмасидан бир ҳафтада бир марта бир ойз давомида фойдаланиш мумкин.
Бу таблетка антисептик таъсирга ҳам эга. Гулга ҳар хил ҳашаротлар ва шира тушишидан ҳимоя қилади. Бу суюқлик пуркагич ёрдамида хонадаги барча гулларга пуркаб чиқилди. Фақат герань гулини баргларига суюқлик пуркалмайди. Гулни атрофидаги ҳавога сал узоқроқдан туриб пуркалади.
Азизлар! Хайрли ишларимизда барчамизга омад ёр бўлсин.
Каналимиз ривожи учун лайк босиб қўйинг. Обуна бўлишни ҳам унутманг.
28 сен 2024