Президент кеден бекеттерін ғана емес, Қазақстан Темір Жолы компаниясына үлкен тексеру жұмыстарын жүргізсе екен деген Алматы облысы Алакөл ауданынындағы Достық бекетінің халқы арнамыздан көмек сұрады. Отыз жылдан астам тұрып жатқан үйлерімізді "Қазақстан Темір Жол" акционерлік қоғамы не жекеге бермейді, не өздері келістіріп жөндеу жасамайды дейді ауыл жұрты. Ал ҚТЖ - дағылар баспананың жалға берілгенін, бір бөлме үшін бар-жоғы мың теңге төлем алынатынын айтады.
Жанайқайын айтып тұрған тұрғындар ҚТЖ балансындағы үйде отыз жылға жуық тұрып келеді. Бірақ баспаналарға компания ешқандай жөндеу жүргізбеген дейді ауылдықтар.
ҚАБЫНҰР МАҒЛҰМОВ, Достық ауылының тұрғыны:
- Барлық жаңағы комуслуганың бәрін біз төлеп отырамыз. Сонда неге бұл ремонт жасалмайды бұл осы уақытқа дейін. Хотя бы өздері жасай алмаса да бізге сол материалды берсе біз өзіміз жасап алар едік.
Дауға айналған баспаналардың көбі жекешелендіру басталған жылдары-ақ тұрғындардың атына өтіп кеткен екен. Сондықтан көпшілік қазір үйлердің жартысын жекеге ауыстыруда қандай қиындық бар екенін түсінбей дал.
РАЙХАН ОСПАНОВА, Достық ауылының тұрғыны:
- 2017 жылдан жекешелендіруге басталған кезден бастап осы күнге дейін 101 пәтер жекешендіруге өтті. Неге бұл пәтерлердің жартысын беріп, жартысын неге бермей жатыр. Осы жерде қазір алмаған адамдар да сол тоқсаныншы жылдан бері еңбек етіп келеді. Сондықтан осы квартираларды, жер үйлердің барлығын жекеменшікке беруді талап етемін.
Ал ҚТЖ компаниясындағылар бекетте бұл үйлерден басқа тұрғын үй жоқ деп отыр. Оның үстіне компания қызметкерлерін ынталандырудың басты факторы да баспана. Жалдамалы үйлерден түскен ақшаны оның тазалығына, жөндеу жұмыстарына жұмсаймыз деген компаниядағылар екі жыл бұрын 66 үй жөндеуден өткенін айтады.
ДАРХАН ТУКЕНОВ, ҚТЖ АҚ Магистральдық желі дирекциясы адами ресурстарды басқару департаментінің бас менеджері:
- Корпоративтік үйлер компания қарауында қала береді. Тұрғын үй комиссиясымен ҚТЖ компания басқармасының алдын ала шешімінсіз жекешендірілген пәтерлер иеліктен заңсыз шығарылған. Белгіленген тәртіп бұзылған. Сондықтан пәтерлерді қайтару үшін тиісті шаралар қолданылады.
ҚТЖ-ның тиісті шаралары дегені сот жүзінде жүзеге асатыны белгілі. Әйтсе де компаниядағылар іскер болса ауылымыз шекараның ар жағындағы Қытайдың Алашанькоу қаласы сияқты гүлденіп тұрар еді ғой деген Достық халқы енді заң жүзінде алыссақ та беріспейміз деп бекініп отыр
Бізді әлеуметтік желіде оқыңыздар:
RU-vid - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#ҚТЖ #Достық #Дружба #тексеріс
5 сен 2024