Јана Василева е дел од десетиците ученици од охридскиот електромашински училиштен центар „Свети Наум Охридски“ кои посетуваат пракса во фабриката „Костал“, каде со помош на ментор ги подобруваат своите знаења и вештини.
Според неа, практичната настава во областа на производното машинство е предизвик, но и рушење на стереотипи бидејќи, како што вели, оваа професија кај нас сè уште се смета за машка.
Во меѓувреме, од „Костал“ сметаат дека дуалното образование е одлична можност за учениците кои имаат интерес и потенцијал да ги развијат потребните технички вештини. Покрај менторот во фирмата, средношколците имаат и училишен ментор кој е задолжен за поврзување на наставната материја со она што им е потребно на компаниите.
Така се обезбедува двонасочен процес и спојување на практичното со теоретското, додека компанииите добиваат обучен кадар.
8 сен 2024