БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Елімізде егін егу науқаны басталғанымен шаруаларды минералды тыңайтқышпен қамту мәселесі әлі толық шешілмеген. Биыл жоспарланған тыңайтқыш көлемінің небәрі 30 пайызы ғана егіншілердің қолына тиген. Сондықтан істі созбалаңға салған салғырт шенеуніктерді жауапкершілікке тарту керек дейді үкімет басшысы Олжас Бектенов. Одан бөлек осы жылы елдің үш өңірінде шегірткелер ерекше көбейеді деп күтілуде. Сол себепті премьер-министр зиянкестерді улау жұмысын жүйелеуді тапсырып отыр.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Минералды тыңайтқышсыз егіннің бітік шықпайтыны белгілі. Ал еліміздің бірнеше өңірінде шаруалар тиісті көлемде тыңайтқышқа қол жеткізе алмай отыр. Мәселен биыл егістік алқаптарына 1,5 миллион тонна минералды зат қажет. Оның 70 пайызға жуығы отандық зауыттардан шығады. Сөйте тұра қазірге дейін егіншілерге небәрі 30 пайызы, яғни 450 мың тонна тыңайтқыш жеткізілген. Ал далаға жаппай дән себу науқаны бүгін-ертең басталуы тиіс.
АЙДАРБЕК САПАРОВ, ҚР Ауыл шаруашылық министрі:
- Әкімдіктер зауыттармен барлық мәселелерді тікелей пысықтап, шаруалармен тиісті жұмыстар жүргізу керек. Сондай-ақ Олжас Абайұлы, өнеркәсіп министрінен ішкі нарықты қажетті тыңайтқышпен қамтамасыз ету жөніндегі шаралар қабылдауды және осыдан кейін ғана экспортқа жөнелтуді сұраймыз.
Бірақ Үкімет басшысы Олжас Бектенов бұл мәселе жергілікті атқамінерлердің жайбасарлығынан деп санайды.
ОЛЖАС БЕКТЕНОВ, ҚР Премьер-министрі:
Тыңайтқыштар бойынша жұмыс баяу жүріп жатыр, иә? Керек болса осы бағытқа жауапты облыс әкімдерінің орынбасарларын жауапкершілікке тартайық. Ұсыныс енгізіңіздер. 30 пайыз болмайды ғой.
Тағы бір мәселе, биыл 2,5 млн гектар алқапқа шегірткелер қаптайды деген болжам бар. Бұл шаруалар үшін соңғы 10 жылда болмаған қауіп. Әсіресе зиянкестер Ақтөбе, Қостанай, Түркістан облыстарында ерекше көбеюі мүмкін. Сондықтан жәндіктерді улауға 8 млрд теңгеден аса ақша бөлінген.
СЕРІК ЖҰМАНҒАРИН, ҚР Премьер-министрінің орынбасары:
- Техника бәрі жеткілікті. Бірақ бір мәселе, шегірткенің жұмыртқалаған жерін дұрыстап анықтау керек. Себебі осы жұмыстың тиімділігі ертең осы алаңдарды анықтау. Себебі ертең препараттың бәрін себебіміз. Ол далада қалмауы керек.
Ал шаруаларға берілетін субсидияны теңдей бөлу жергілікті әкімдіктердің міндетінде. Бірақ қаражат төңірегінде жиі дау болады. Сондықтан үкімет басшысы Олжас Бектенов субсидия шаруалардың игілігіне және өнімді молайтуға жұмсалуын қатаң бақылауды тапсырды. Яғни мемлекет қазынасы осы саладағы алпауыттардың оңай олжасына айналмауы тиіс деді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
9 май 2024
