"Елигай" Халық әні. 

Біздің ауыл Барлықтың бөктерінде, елигай.
Ұзақ болды ауылдан кеткеніме, елигай,
Қоңыр тауда қой бағып әнге салдым, елигай,
Құлағыңа жел болып жетпеді ме, елигай…
Қош есен бол көргенше,
Дәм-тұз айдап келгенше,
Әннен айтып кетейін,
Ішке бүге бергенше…
Қырдың қызыл пісті деп бүлдіргені, елигай,
Сағындың ба жұртыңды бұл күндері, елигай?
Ауылың алыс, қарағым, кеткен кезде, елигай…
Жылатпаған бұл өмір, кім-кімдерді, елигай?..
Қош есен бол көргенше,
Дәм-тұз айдап келгенше,
Әннен айтып кетейін,
Ішке бүге бергенше…
Алтын моншақ мойныңа тағынғаның, елигай,
Білесің бе, бұл жүрек, сағынғанын, елигай?
Ауылың алыс, қарағым, кеткен кезде, елигай…
Әлі шырқап келемін, халық әнін, елигай...