Президенттің бүгінгі жолдауындағы «ең төменгі жалақы мөлшерін 42500 теңгеден 60000 теңгеге көтеру» мен «еңбек ақы төлеу қорынан алынатын бірыңғай төлем көлемін 34пайыздан 25пайызға дейін төмендету» шешімі микро және шағын бизнес өкілдерін бір желпіндіріп тастағаны сөзсіз. Мен өзім экономис ретінде осы мәселелерді мақалаларымда үнемі көтеріп келемін. Ең төменгі жалақының төмен болуы мен еңбек ақыдан ұстайтын салық көлемінің жоғары болуы, біріншіден, еңбек ақының жоғарлауына тұсау болса, екіншіден, шағын орта бизнестің дамуына тұсау болып мемлекеттік бюджетке түсетін іс жүзіндік салықтық табыс мөлшерін азайтады.
Себебі, еңбек ақыдан ұсталатын салық мөлшерінің көп болуына байланысты, шағын бизнесте, жұмыс беруші өзіне де жұмыс істеушігеде тиімді болу үшін, еңбек ақыны жұмыс істеушімен келісіп, еңбек ақыны қағаз жүзінде , іс жүзінде беретін еңбек ақыдан төмен көрсетеді. Сол арқылы, еңбекшінің нақты қолына тиетін жұмыс ақысын көбейтеді. Бірақ, бұлай істеу мемлекеттік бюджетке түсетін салықты азайтумен бірге, еңбекшінің болашақтағы зейнет ақы жинағының аз болуына апарып соғады.
Сондықтан, президенттің еңбек ақы қорынан алынатын бірыңғай төлем көлемін азайту шешімі өте құптарлық. Десе де әліде жетерсіз деп ойлаймын. Меніңше шағын кәсіп орындарда жұмыс істейтін, айына 150000 теңге жалақыдан төмен алатын жұмыскерлердің еңбек ақысына салынатын салықты мүлдем алып тастау керек. Солай болғанда бұл шағын бизнестің дамуына және жалақының жалғасты өсуіне серпін береді. Шағын орта бизнестің дамуы- мемлекеттің дамуы, жалақының жетерлік болуы -халықтың әл-ауқатының артуы.
Ербосын Нұрмұхан
27 сен 2024
