Еңбек адамы. СӘКЕН ЖҮНІСБЕКҰЛЫ 

Бақытын еңбектен тапқан
Эльмира Советқызы
Ұлан ау¬да¬нында адал еңбегімен елге еле¬ніп, өнегелі істерімен жастарға үлгі бо¬лып, қажырлы еңбек еткен жандар бар¬шы¬лық. Бүгінгі мақаламыздың кейіпкері де осындай жандардың бірі - жерлесіміз, әр салада абыройлы еңбегімен елге еленген Сәкен Жүнісбекұлы Ғайса 60 жастың асқарына шығып отыр. Қазақта «Елу - ердің жасы, алпыс - ағалық жас» дейді. Ендеше, ағалық жасқа үлкен абыроймен жетіп отырған мерейтой иесінің жүріп өткен жолдарына бір сәт көз жүгіртіп өтсек.
Сәкен Жүнісбекұлы 1964 жылы 28 мамыр Шығыс Қазақстан облысы Ұлан ауданы Бестерек ауылында дүниеге келген. Осы ауылда бастауыш мектептің табалдырығын аттап, онжылдықты 1981 жылы Алмасай ауылындағы Абай атындағы мектептен бітіреді. Әскери борышын 1982-1984 жылдары Ленинград қаласында өтейді.
Отан алдындағы міндетін өтеп келген соң, ұстаз болуды алдына мақсат қойып, Өскемен педагогикалық институтынан оқуға түсіп, 1989 жылы тарихшы мамандығын алып шығады.1989-1992 жылдары мектеп және қалалық кәсіптік-техникалық училищесінде тарих және қазақ тілі пәндерінен сабақ береді. 2006 жылы Ортаазия университетін тамамдап, заңгер мамандығын игерген.
Таза жүріп, адал еңбек еткен адамды абырой мен бақ өзі іздеп тауып алады ғой. 1992-1993 жылдары депутаттардың облыстық Кеңесі аппаратында аудармашы, баспасөз-хатшысы лауазымдарын атқарады.1993-1995 жылдары Үлбі әкімдігінде ішкі саясат бөлімінің меңгерушісі, 1995-1996 жылдары облыстық спорт, туризм және жастар комитетінде жастар бөлімінің меңгерушісі, 1996-1998 жылдары облыстық мәдениет басқармасының «Тарихи мұраларды қорғау» инспекциясының бастығы қызметін атқарған. Іскерліктің, өзіне тапсырылған істі көңіл-дегідей, тиянақты атқара білуінің, үлкен ұйым¬дастырушылық қабілетінің нә¬тижесінде 1998 жылдан 2009 дейін «Тұрмысы төмен азаматтарды қорғау» жөніндегі аймақтық қордың менеджері болса, 2009 жылдан 2023жылға дейін «Шығыс шапағаты» қоғамдық қорының директоры, 2023 жылдың қаңтарынан осы күнге дейін Ұлан ауданы Бестерек ауылындағы облыстық тарихи-өлкетану музейінің директоры болып, абыройлы қызмет етіп келеді.
Тір¬шілікте тек өзінің адал еңбек, маңдай теріне ғана сүйенген Сәкен Жүнісбекұлы қыз¬мет атқар¬ған жылдары өзіне жүктелген қызметтердің қайсысы болса да жауап¬кершілікпен қарап, жұ¬мысын жоғары дең¬гейде атқара білді. Ұжым¬дары, әріптес¬тері арасында сыйлы, беделді болды. Көпшілікпен тез тіл табысатын ол өз ісіне асқан жауапкершілікпен қарап, халықтың өзекті проблемаларын шешу жолдарын қарас¬тырып, жүйелі жұмыс атқарды. Халқы мен елінің гүлденуіне лайықты үлес қосып келеді.
«Бақыт дегеніміз - адам¬дарға пайдаңды тигізу» деген қағи¬даны ұста¬нып, өзінің қарапайымдылығы¬мен ерекшеле¬ніп, адамдарға үнемі қол ұшын созып, көмек көрсетуден жалыққан емес. Өз ісінің маманы ашық-жарқын, бас¬таған ісін аяқсыз қалдыр¬майтын, жауап¬кер¬шілігі мол, адамдармен тез тіл табыса білетін, еңбекқор жан. Қоғамдық жұмыстарға араласып, халықтың әлеу¬мет¬тік мәселелерін көтеріп, оның оңды ше¬ші¬мін шығарғанша тыным таппай атсалы¬сып, халықтың алғысына бөленді.
Бос уақытында шығармашылықпен айналысып, Ұланның тарихи тұлғаларын, киелі жерлерін дәріптеп тағылымы мол кітаптары жарық көрді. Атап айтқанда «Көкпен таласқан Көктауым, киелі мекенім Ақбауыр», «Күшбірлік» атты кітаптары оқырмандардың жүрегінен орын алды. Қолынан қаламы түспеген жерлесіміз ауданның айнасы болып отырған газетпен үнемі тығыз қарым-қатынас жасап, мақалаларын жария етіп отырады.
Сәкен Жүнісбекұлы -бақытын еңбектен тапқан жан. Осындай жандардың арқасында елде ырыс пен ынтымақ салтанат құра бермек. Кемел жасқа келіп отырған ағамыздың деніне саулық, шаңырағына амандық тілейміз. Алар асуыңыз көп, мәртебеңіз биік, жұлдызыңыз жоғары болсын дейміз.