БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Жамбылда жоқ адамды қоғамдық жұмысқа алды деген күдікпен ауыл әкімі тергеліп жатыр. Шенеунік малшысы мен жалшысына мемлекеттің қаражатына жалақы тағайындап келген көрінеді. «Жаман» аты бір шыққан әкімді ауылдықтар неге жолатпаймыз деп отыр? Бір жыл бұрын сайлауға бас көтеріп, байкот жарияласа да, белден басып ауыл әкімін тағайындаған кім? Әріптесім Нұрадин Рақай мәселенің мән-жайын біліп қайтты.
Бұл былтыр дәл осы айда саяси науқанда бас көтеріп байкот жариялаған бұқара. Жолдаудың басты жаңалығы болған ауыл әкімінің сайлауына көгершіндіктер келмейміз деп көтерілген еді. Өйткені жұрт таңдаған емес жоғары жақ тағайындаған кандидат қызметке келмесін деп талап қойған. Бірақ наразылыққа қарамастан осы кандидаты бәрібір әкім болып сайланған. Бірақ бір жылға жетпей жұрт сеніміне селкеу түсіріпті.
ЖҰЛДЫЗАЙ АЛТЫБАЕВА, Көгершін ауылының тұрғыны:
- Бұл әкелген әкім Ернар біздің ауылдың үмітін ақтамады. Ары қарай бұл кісіден үміт жоқ біз ше. Қайта сайлау өткізуге біз дайынбыз. Ауыл дайын қайта сайлау өткізсін.
Сайлау науқанында да көп көрінбеген кандидатты соңғы айда мүлде көруден қалдық дейді көп. Тұрғындар шаруа айта барып, әкімді іздеп шаршадық деп отыр.
ҚАНЫТБЕК ДӘУЛЕТБЕКҰЛЫ, Көгершін ауылының тұрғыны:
- Сағат 9-да жоқ. Конторда. Қайда? -Ауданда. Қайда? - Ауданда. Ол нағып бітпейтін жұмыс ауданда?
Сөйтсе ауыл әкімі ел айтқандай ерігіп жүрмепті. Сыбайлас жемқорлыққа қарсы іс-қимыл агенттігінің арасында ала шапқында жүр екен. Ел құлағы елу жұрт бүгінде бұл істі бәрі естіді дейді.
АРМАН СҮЛЕЙМЕНОВ, Көгершін ауылының тұрғыны:
- Осыдан бір ай бұрын антикор қолдарын кісендеп маман екеуін алып кеткен. Үш адамның айлығын бұлар жасанды түрде сыбайлас жемқорлықпен алып отыр деп. Бір ай уақыт болды. Біз қазір не болып жатқанын білмейміз. Халықтың күмәні, билікке және құқық қорғау органдарына сенім жоқ болып тұр.
Ауыл әкімі бұл істен де жолын тауып қайта қызметке келуге дәмелі дейді дүйім ел. Ал атқамінердің өзі бұл айтылғандарды жоққа шығармайды. Күнде болмаса да кейде көрінбей қалуының сыры, сыбайлас жемқорлыққа қарсы агенттіктің арасын жол қылғанымен түсіндіреді.
ЕРНАР БАҒЫЛБЕКОВ, Көгершін ауылдық округінің әкімі:
- Енді ол жерде жала жапқанда біреудің айлығын алғансыз деп сондай нәрсе айтып жатыр. Қазіргі заманда біреудің айлығын алу ол құдайдың құдіреті. Тергеуші шақырған кезде барамыз. Барлық қызметкерлер де барады. Бәрін кезек-кезекпен шақырады.
Жансыз орынға жалақы тағайындау бойынша құзырлы орган өкілдері тергеудің басталғанын растады. Алаяқтыққа барды деген күдіктілердің ішінде жалғыз әкім емес екен...
ТАҢШОЛПАН БАҚЫТӘЛІҚЫЗЫ, ҚР сыбайлас жемқорлыққа қарсы іс-қимыл агенттігінің жамбыл облысы бойынша бас маманы:
- Сыбайлас жемқорлыққа қарсы іс-қимыл Агенттігінің Жамбыл облысы бойынша департаментімен Т. Рысқұлов ауданы Көгершін ауылдық округі әкімі аппаратының лауазымды тұлғаларына қатысты ҚР ҚК 190 бабы, 3 бөлігі 2 тармағымен қылмыстық іс тергелуде.
Ал аудан басшылары ауылдықтармен арасы суыған әкімге араша түсе алмаймыз дейді. Қандайда бір шара қабылдау үшін тергеудің аяқталуын күтіп отыр екен.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/c...
TikTok - www.tiktok.com...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
5 сен 2024