"Сенин барың"
об. Мыктыбек Нурланбеков
с. Нурболот Азамат
Мен бактымды өзүңдөн жолуктурдум
Мен ар убак жаныңда келет болгум
Көрүш үчүн бар кызыгын бул өмүрдүн
Тандаганым, кармаганым сенин колуң
Сага деген бул сезимим
Таза менин
Сүйүүм арнап, жолум байлап
Сага келдим
Тең бөлүшүп өзүң менен
Ар ирмемди
Ак сүйүүңө жооп кылып
Келет бергим
Сенин барың мага кубат берет
Бийик учуп кыял канат керет
Сенин сүйүүң мага кымбат белек
Мен издеген адам сенсиң демек
Күлкүмө да, кайгыма ортоктошсуң
Көңүлүмдү санаадан бошотосуң
Жылмайганда сен жайдары мага эркелеп
Табиятка жан киргизген жазга окшошсуң
20 май 2024
