Шіркін! Шалқыма десе шалқыма екен мына күй! Не деген орындаушылық шеберлік! Не деген техника! Оң қолы мен сол қолы бір-біріне тең екен. Еш қиналмастан жорғалатып ойнап шықты. Бір өзі бір оркестрге пара-пар. Шіркін! Қазаққа күй деген құдіретті Жаратқан аямай бере салған екен. Рухыңды асқақтатып жібереді. Мұндайды түн батқанда естіп алған соң қайдағы ұйқы? ❤❤❤❤❤❤❤❤❤❤❤
Алпыс неше жаска келип мындай шеберликпен Тарту деген сумдык ,алпыс жаска жакындаганда коптеген куйшилер шеберлик денгейин томендейди деп естушедик,дегенмен кудай берген таланыт,он колындагы екинши саусакпен ,басбармакта бир табигый куш бар ,еркеше енди,
Сауырынан су төгілмес жорғадай былқылдатып келіп, сәйгүліктей арындап төгіп-төгіп жібереді, нағыз шыңына жеткен шебер, домбырамен біте қайнасқан маэстро.
Бұл кісіні 1986жылы көргем Құрманғазының 180жылдығы деген шақыртумен арнайы Орал пединститутына Гурьевтен (ол кезде Гурьев)келді. Лектор Құрманғазының өмірбаянын айта келіп оның күйлеріне кезек бергенде осы кісі шығып күй тартты.Сұмдық болды.Теледидардан радиодан естіген бір басқа,"тірілей" көріп тыңдаған бір басқа.Теледидар,телефон, радио дегендер музыка әсерін толық бере алмайды,бірдеңесін "жеп" қояды. Мына кісі домбыра тарта жөнелгенде зал сілтідей тынды,бәріміз есімізден тандық.Күй ойналып біткен соң жұрт сұрақ қоя бастады,көбінің сұрағандары домбыраны қашаннан тарттыңыз ,кімнен үйрендіңіз деген сияқты жеке басына қойылған сұрақтар болды,Құрманғазы мүлде жайына қалды,әңгіме тек осы кісінің жеке өзінің орындаушылығы жөнінде ғана болды.Домбыра ойнауымен жұртты арбап тастады.Бұл кісі тартқанда домбыра кәдімгідей сөйлей жөнеледі десе болғандай,тартысында бір мін жоқ.Екі шекті кезек сөйлетеді. Дәл мұндай домбырашыны содан кейін көрмедім. Өзінің айтқан әңгімесінде домбыраны қашан ұстағаным есімде жоқ шамасы 4жаста болсам керек деп айтты.Сол есін білер білмес кішкентай кезінде нағашысы домбыра ойнаған,сол нағашымның тартқан күйлерінің бір ырғақтарын келтіре алмай жүрмін дегені есімде. Оқушы кезінде бұл кісінің домбыра тартқанын Дина Нұрпейісова радиодан естіп "мына баланы маған алып келіңдерші" депті. Бірақ мен барғанша Дина шешеміз қайтыс боп кетіпті деп айтты.Ол кезде Дина Алматыда,бұл кісі ауылында Атырау жақта болса керек сірә.
Қазір Құрманғазы 1823 ж.туған десіп жүр ғой ,ол кезде 1806ж туған дейтін,сондықтан 180жасы деп атап өтілді.1986ж.бірінші курс студенті едім ,содан бұл дата есімде қалды. Құрманғазының Төремұратын тартқаны анық есімде,одан басқа да бірнеше күй тартты.Домбыра шынында да ғажап аспап екен деген ой келді сонда.Нағыз мықты виртуоз орындаушы осы кісі.Бұл кісі ойнағанда екі ішек анық "сөйлейді" екен.Сол кездегі бала мен түгілі залдағы үлкендер есі кетіп қалды . Нұрғисаның күй тартқанын да көрдім, одан басқа да домбырашылардың орындағандарын көріп тыңдадым,бірақ әлі күнге дейін дәл мына кісі тартқандағыдай әсер ала алмадым.