🔰 Орталық базасында жасанды интеллектті алғаш рет қазақша сөйлеткен қызылордалық Асылжан Абдуллаевпен кездесу өтті. Жиында жас технократ ІТ саласындағы жетістіктері мен жобаларын таныстырды. Мәселен, Асылжан - тарихи тақырыптарды 15 секундта таныстыратын «Тарихнама» медиа жобасы, шетелдік фильмдерді қазақ тіліне аударып, дыбыстайтын «Orda Studio» студиясы және мылқалуларға арналған «QazTTS» жасанды интеллектінің авторы. Ал, ең сәтті жұмысы - QAZAQ-GPT. 300 мыңнан аса қазақша сөз бен 220 миллиардтай ақпарат енгізілген бұл алғашқы қазақша жасанды интеллектке Американың ІТ саласындағы алпауыт компаниялар қызығушылық танытып, бірлесе жұмыс істеуге шақырыпты.
✅ Кездесу барысында Асылжан ІТ бағытындағы алғашқы қадамдары мен алдағы жоспарларын тілге тиек етті. ҰБТ-ға қарқынды түрде дайындалып жүрген 11 сынып оқушысының қанжығасында бүгінде бірқатар ЖОО-ның арнайы гранты бар. Десек те, Асылжан бұл жетістіктерге тоқмейілсімей, сындарлы сынақты сәтті тапсыруға бар күшін салып жатқанын айтады.
📌 Жалпы, бұл қатысушылар үшін мотивацияға толы жиын болды. Оқушылардың ІТ саласына деген қызығушылығы артып, мамандық таңдау, бос уақытты тиімді әрі сапалы өткізу турасында мол мағлұматтар алды.
#ЖасандыИнтеллект
#ІТ
#КреативтіИндустрия
#АсылжанАбдуллаев
29 сен 2024
