Жаңы ыр! Сүйүү ыры!
"УГАЙЫН, ҮНДӨБӨЙҮН"
Сөзү: Элмирбек Иманалиевдики
Обону: Түмөнбай Колдошовдуку
2019-жыл, 25-декабрь
Жетилдиң үлбүрөгүм,
Таңшыдың дилдирегим.
Сен үчүн оор болсо да,
Сезимим билдиремин.
Мелжидиң тартылганым,
Кайкыдың талпынганым.
Мен үнсүз тартынганым,
Мен сага айтылганым.
кайырмасы:
Мелжиген дүйнөдөйүм,
Мен өңдүү күй дебейин.
Сүйлөмгө сүйүү батпайт,
Сүйлөбөйм, сүйлөбөйүн.
Өрт болдуң тутанганым,
Өзөктө куса,арманым.
Бир муңдуу куштай болдум,
Билбеген учаар жагын.
Же сенден кет албадым,
Же сага жете албадым.
Карегиң карай берем,
Кантесе да тушалгамын.
кайырмасы:
Мелжиген дүйнөдөйүм,
Мен өңдүү күй дебейин.
Сүйлөмгө сүйүү батпайт,
Сүйлөбөйм, сүйлөбөйүн.
Капкалуу дүйнөдөйүм,
Карайын үндөбөйүн.
Ыр бизге түбөлүктөй,
Ыр бизге күбөлүктөй,
Ырдайын сүйлөбөйүн.
20 авг 2024