18 наурыз күні Қызылорда облыстық филармониясының 50 жылдығы аясында облыстық, республикалық, халықаралық конкурс, фестивальдердің лауреаты, халықаралық ақын- жыраулар Одағының мүшесі, жыршы-жырау Сүгірбай Марат Бердібайұлының даңқты қолбасшы Жанқожа батырдың ел жолындағы ерен еңбектерін жырлайтын Орнықбай Сұлтановтың «Батыр баба» дастанын жырлайтын рухани жыр кеші өтті.
Жыр - дастан - қазақ поэзиясының жанрлық түрі, түпкі, негізгі мағынасында өлеңмен баяндалатын, жырлап айтатын уақиғалы, көлемді поэзиялық шығарма.
Алаш жұртының арын арлап, елдік туын көкке көтерген ұлт-азаттық көтерілісінің қаһарманы, үш жүзге даңқы жайылған батыр Жанқожа Нұрмұхаммедұлы 19-ғасырдың 20-жылдарынан бастап Сыр бойы мен Арал теңізінің шығыс жағалауын қоныстанып, қазақтарға өз үстемдігін жүргізген батыр болған.
Кешті «Томирис» би ансамблінің қойылымымен ашып, Орнықбай Сұлтановтың «Батыр баба» дастанын Марат Бердібайұлы бір жарым сағат тапжылмай жырлап, көрермен қауымның құлақ құрышын қандырды.
26 авг 2024
