ЗОДРӮЗИ БАРНОМАИ “АХБОРИ ОЗОДӢ” ХУҶАСТА БОД!
Ёздаҳ сол пеш дар ин рӯз, яъне 24 сентябр, нахустин бор барномаи “Ахбори Тоҷикистон ва ҷаҳон”, ки бо номи “Ахбори “Озодӣ” машҳур аст, таҳия ва пахш гардид. Он дар муддати куттоҳ ба яке аз барномаҳои асосӣ ва пурбинандаи Бахши Тоҷикиии Радиои Озодӣ табдил ёфт. Бархе аз нашрҳои ин барнома дар чанд рӯзи аввали пахш шуданашон то 2 миллион бинанда доштаанд.
Аз замони таъсисаш то имрӯз матолиби канали “Озодивидео” наздик ба 2 миллиард бор дида шудаанд, ки баландтарин нишондиҳанда дар тамоми Радиои Аврупои Озод/Радиои Озодӣ аст. Даҳҳо гузориши ин шабака ҳамчун беҳтарин бозтоби хабар ё падидаҳои Тоҷикистон ҷоиза гирифтаанд. Бахши Тоҷикӣ барои матолибаш дар бораи ҳамагирии куруно, бозгардони кӯдакон ва занони тоҷик аз Ироқу Сурия ва масъалаҳои иҷтимоии мардуми Тоҷикистон дар соли 2019 барандаи Ҷоизаи Девид Бурк шудааст.
Дар зодрӯзи “Ахбори “Озодӣ” арзёбӣ, эроду пешниҳод, табрику таҳният ва дархосту орзуҳои бинандагони онро интизорем.
23 сен 2024