Імя Зянона Пазняка і цяпер, праз шмат год пасля яго ад'езду з Беларусі, выклікае ў людзей моцныя эмоцыі - ад захаплення да лютай нянавісці. Тым не менш, многія, асабліва моладзь, ведаюць пра гэтага чалавека досыць мала. Хто ён такі, Зянон Пазняк? Што за чалавек? Якія рэчы для яго галоўныя ў гэтым жыцці?
Летась мы звярнуліся да Зянона Пазняка і прапанавалі яму выказацца на любую важную для яго тэму. На падставе гэтай гутаркі мы задумалі стварыць фільм, які будзе ілюстраваць яго думкі.
«Давайце павандруем па Віленшчыне», - прапанаваў Зянон Пазьняк.
Зянон Пазняк нарадзіўся ў Суботніках, невялікім мястэчку, размешчаным каля самай мяжы Беларусі і Літвы. Натуральна, у той час ніякай мяжы там не было. У маладосці Зянон Пазняк кожны год вандраваў ад Суботнікаў да Вільні праз мястэчкі і вёскі.
Сёння паміж малой радзімай Зянона і Вільняй - мяжа. Суботнікі засталіся па беларускі бок, асатняя, большая частка шляху -- па літоўскі. Гэтая зямля - terra incognita для сучасных беларусаў. Дык давайце выправімся ў вандроўку па ёй разам з Зянонам.
***
This is a documentary video about Zianon Pazniak, exiled Belarusian politician. He takes us along the road of his youth from Subotniki (now a town on the Belarusian side at the border of Belarus and Lithuania) to Vilnia (Vilnius).
27 мар 2011
