Имсол соли нур аст, соли пур аз сурур аст,
Чашми ҳасуд кур аст аз иттиҳоди тоҷик.
Имсол ишқ зебост, Маҷнун ба фикри лайлост,
Дилҳо пур аз таманност аз иттиҳоди тоҷик.
Эй боргоҳи қудрат эй манбаи саодат,
Раҳмат бибор, раҳмат аз иттиҳоди тоҷик.
Имсол соли хуррам, ин субҳ мебарад ғам,
Дар ҳайрат аст олам аз иттиҳоди тоҷик.
Имсол модари мо хуш аст дар бари мо,
Ғам рафта аз сари мо аз иттиҳоди тоҷик.
Имсол соли бахт аст, ғамро намедиҳад даст,
Тоҷик шуда забардаст аз иттиҳоди тоҷик.
Имсол файз борад, умеди тоза орад,
Нақши накӯ гузорад аз иттиҳоди тоҷик.
22 авг 2024