Сем Валерий Семёновын
Шамаквлӓ Ирина Курочкинан
Ит ойхыры
Тӹнь пиш сылыкланет, ӹдӹрӓш,
Кыш сусу йӹрӓлтӹшет кен,
Кыце сек цевер цереэтшӹм
Лыпш ганьы сӹнзӓвӹд нӧртен.
Припев:
Ит ойхыры, сӓмӹрӹк ӹдӹр,
Шӱм кӧргӹштет лин ӱштӹ тел.
Анжал, кӱшнӹ ик цолга шӹдӹр
Йӹлгӹжӹн йыла тӹлӓт вел.
Ит мӓгӹрӹ, сӓмӹрӹк ӹдӹр,
Лиӓлтеш цилӓ, ужат ӹшке.
Анжал, кӱшнӹ ик цолга шӹдӹр
Йӹлгӹжӹн йыла тӹлӓт вел.
Мам ойхырет, тек толеш кӓнгӹж
Ӹвӹртӓш ыжар кугилӓш,
Мам мӓгӹрет, вӓшлиӓт тӓнгӹм,
Йӹрӓлтӓ тӹлӓнетӓт цӓш.
Припев.
Тыр вадын анжал Йыл тӹрӹшкӹ,
Колыштал, кыце кек мыралта.
Йыд вашт, жерӓ гач изи шӹжвӹк
Луаткок лыкан семжӹм шакта.
Музыка Валерия Семёнова
Слова Ирины Курочкиной
Не грусти
Ты очень печальна, девушка,
Куда делась твоя весёлая улыбка?
Как на твоём прекрасном лице,
Будто роса, появились слезинки?
Припев:
Не грусти, юная девушка,
В твоей душе сейчас холодная зима.
Посмотри, высоко в небе одна яркая звезда,
Сверкая, горит лишь для тебя.
Не плачь, юная девушка,
Бывает всё, ты видишь сама.
Посмотри, высоко в небе одна яркая звезда,
Сверкая, горит лишь для тебя.
Что грустишь, всё равно наступит лето,
Будет радовать зелень берёзовой рощи,
Что ты плачешь, встретишь ты друга,
Улыбнётся и тебе счастье.
Тихим вечером выйди на берег Волги,
Послушай, как птицы поют.
Всю ночь и на заре маленький соловей
Распевает свои мелодии на двенадцать ладов.
6 июл 2024
