Ишки Одами Барфи
Муаллиф ШАХЛОИ НАЧМИДДИН
( ин киссаи мувофики хохиши такрории Шумо гузошта шудааст.
Якбора аз деха гум шудани Зарафо тамоми мардуми дехаро ба тахлука андохту дар атрофи якбора бедарак шудани Зарафо хар хел гапхо мебофтанд. Яке мегуфт, ки у бо кадом ошикаш гурехта рафтааст, дигари мегуфт, ки паривара шудаасту аз хона парихояш капида ба пушти кухи Коф бурдаанд. Вале, касе асли гапро намедонист, ки ин духтари зеботарини деха шабона ба кучо чизе нагуфта гайб зада бошад. Зарафо дар ин оилаи муаллим духтари ягонаи эрка ба воя расида буд. Модару падар барои у тамоми чизи гуфтагиашро харида медоданд. Зарафо як одати баде дошт, ки доимо танхоиро дуст медошт. Бо касе аз деха дугонаги намекард. Доимо ба дигарон бо чашми масхара менигарист.Духтарони деха уро дуст намедоштанд. Модар тамоми кори хонаро худаш ба сомон мерасониду ба духтараш намегузошт, ки коре кунад. Зарафо доимо ба орову торои худ банд буд. Хатто муаллимон доимо шикоят мекарданд, ки ин духтар ба хондан неву ба худнамоишдихи меояд. Гуё мактаб барояш кошонаи хусн буд.Ба касеву чизе рагбат надошт. Факат худро дуст медошт. Якбора нопадид гаштани у аз деха тамоми наздиконашро ба хайрат андохт. Модар медонист, ки аз байни чавонони деха у дустдоштае надорад. Нав ба синфи дахум гузаштаасту аллакай дари хонаашонро хостгорони зиёде охурча карда буданд. Чунки зебоии бемислу монанди Зарафо чавони аввалин бор уро дидагиро масту мадхуш мекард. Зарафо бо ягон чавони деха гап намезад. Барои хамин модараш гирён ба худ мегуфт, ки шояд духтари зебояшро пари ёр шуда бошад. Чунки вактхои охир Зарафо дар хучраи хобаш шабхо хоб нарафта худ ба худ гап мезад. Боре модар ба хучрааш бехотир даромаду уро дар як холати хандаовар дид. Зарафо дар кунчи хона нишаста баланд механдид.
-Ха , духтарчонам, тинчими, худ ба худ механди?
-Чизе нест. Рубаруйи чойи нишастагии Зарафо тиреза кушода буд. Ба назари модари Зарафо намуд, ки гуё касе уро аз он чо тамошо дорад. Давида аз тиреза ба берун нигарист. Дар берун касе наменамуд. -Духтарам, бегохихо, тирезаро махкам кун. Баногах ягон мардаки бегонаи деха аз куча гузашта туро дар љогањи хобат нимбарањна набинад. Охир ту духтари хона хасти , худатро эхтиёт кун.
-Э очачон, як гапхое мегуед, ки. Натарсед, хамааш тинч аст. Ман ин чавонони фисини кишлокиро чашми дидан надорам. Ин сухбати охирин бо Зарафо ба хотири модар расиду аз дил гузаронид, ки шояд кадоме аз тиреза бо духтараш сухбат мекардагист. Чунки пушти тирезаи хавли рохи асфалт буду мошинхо равуо мекарданд. Вале духтари хамсоя ба модараш накл кардааст,ки гуё пеш аз гум шуданаш боре Зарафо ба у гуфтааст, ки «ман танхо хамсари шохи париён» мешавам. Модари Зарафо ин гапро шунида безобита гардид. Шояд духтараш ба бемории равони гирифтор шуда аз хона баромада рафта бошад. Ба кормандони шуъбаи дохила хабар доданд. Тамоми дехаро кофтанд, аммо аз Зарафо дараке набуд. Шабе модар хоб дид, ки Зарафо бо либоси пури пашми сиёњ дошта аз даруни чохе гирякунон уро нидо дорад. Модар тарсида аз хобаш бедор шуд. Дарк кард, ки духтараш зинда асту хаёташ дар хатар мебошад. Охир дили модар хеч вакт хато намекунад. Шояд духтарашро касе дуздида дар кучое махбас карда нигох медорад. Модар худаш ба чустучуйи духтараш баромад. Падар аз гами духтараш бистари гашта буд. Яке аз чупонон хабар овард,ки дар айлоки деха одами барфиро дидаанд. Ва гуё дар пушташ занеро пуштора карда гашта бошад. Ин чупон ба хонаи онхо омада ба модари Зарафо гуфт, ки ин зани пуштора кардаи одами ба гул монанд шабењи Зарафои духтари у буд. Вале танашро пашми сиёх фаро гирифтааст. Ин хабари нохуш ба калби садпораи модар шубха андохту у ба айлок рафт. Аз чупонхо илтичо кард,ки уро хамрохаш бигиранд. Аз байн бист руз гузашт. Шабе уллоси на ба одам монанд на ба хайвон шунида шуду онхо ба тарафи рама нигох карданд. Аз даруни рамма як шабехи бузурги ба гулхои афсонави монанд ба чашм охиста намоён гардид. Дили модари Зарафо шуви карду у хост ба он тараф равад. Аммо чупони тачрибадида уро аз рохаш боздошта хохиш кард, ки каме мунтазир шавад.
#шахлоиначмиддин#одамибарфи#
8 фев 2021
