Калькуттада 5 күн болып, Варанаси қаласына аттандым.
Хостелдан шығып пойыздар бекетіне бардым. Ол жерді 20 минут бойы аралап, адамдардан сұрап, пойыз кететін платформаны таптым.
Пойыз келген соң, отырып, Варанасиға кеттім.
Пойыздары біз үшін, мен үшін қызық екен.
Түрме сияқты кішкене. Көпшіктермен жамылғыштар берілмейді, өйткені класс қымбат емес.
Түнде үсіп қалдым, өте салқын болды. Жергілікті адамдар білетін екен салқын болатынын. Барлығы өздерімен жамылғыш алып келді.
Варанасиға жеткен соң, ол қала шаң екенін байқадым. Ауыз қуысым шаңға толды. Өте ескі әрі лас қала.
Хостелға жеткенсоң, ұйықтап қалдым. Оянғаннан кейін өте салқын екенін сездім. Бірақ негізінде тонатындай салқын болған жоқ, мен ауырып қалған екенмін. Қызу көтеріліп дірілдеп отырдым.
Бірінші барған хостел ұнамады, сондықтан басқа хостелға көштім.
15 сен 2024