Ниязов Келдибек
Кыргыз Республикасынын эмгек сиңирген артисти
(8.9.1952-ж. т., Нарын району, Куланак айылы)
1989-ж. Бейшеналиева атындагы искусство институтунун уюштуруучу-методист факультетин бүткөн.
1969-жылдан Т. Сатылганов атындагы филармонияда эмгектенет. Ниязов тууроочулук (имитатордук) өнөрү өөрчүгөн куудул катары белгилүү.
Коомдогу терс жагдайларды, кишилердин терс жорук-жосундарын ашкерелеп, апыртып, сөз ойнотуп табышмактап сүйлөйт. "Ооба Аксакал" (Ш. Солтоноев), "Чолпошка" (С. Урманбетов), өзүнүн "Репетиция", "Заманга жараша", "Мен даяр", "Куудулдар тойдо" жана башка интермедияларды сахнага алып чыккан. "Мыскыл жана Тамаша" телеберүүсүн баштоочулардан.
Киного да тартылган. Асанкул Шаршеновдун шакирти. Асанкул Шаршенов атындагы куудулдар конкурсунун 1-лауреаты. Медалдар менен сыйланган.
14 май 2019
