Мо муаррифии кишварҳои ҷаҳонро идома медиҳем. Имрӯз шуморо бо яке аз кишварҳои пешратаи ҷаҳон шинос мекунем. Миллардерҳои бисёр аз гӯшаҳои дигари ҷаҳон хоҳиши зиндагӣ дар ин давлатро доранд. Аз соли 2020 сар карда ҳама нақлиёти ҷаиъиятӣ ба сокинон бепул хизмат мерасонанд. Ин мамлакат ба қатори 10 давлати бойтарини ҷаҳон ворид мешавад. Аз ҳама маоши баландтаринро низ маҳз сокинони он ба даст меоранд. Пеш дар ҷойи пойтахти ҳозираи он як деҳаи хурду назарногир буд. Аммо давоми 20 соли охир он ба яке аз марказҳи бузурги тиҷоратии ҷаҳон табдил ёфт. Маҳз дар ин ҷо қароргоҳи фондҳои бузурги сармоягузорӣ, яъне инвеститсионӣ қарор дорад, ки баҳсҳои бузурги судиро ҳаллу фасл мекунад. Даромади софи онҳо беш аз 4 трлн евроро ташкил мекунад. Зиндагӣ ин ҷо орому осуда ва бехатар аст. Музди маоши баландтарини омӯзгорон дар тамоми Аврупо низ дар ин мулк дода мешавад, ки он ба 5 ҳазор евро баробар аст. Дар умум ҳадди ақали музди маош, яъне маоши аз ҳама камтарин 2 ҳазор евро муқаррар шудаст. Ба сари 1000 сокини кишвар 600 автомобил рост меояд. Шумораи телефонҳои мобилӣ назар ба аҳолӣ 1,5 баробар зиёдтар аст. Давомнокии миёнаи умр 82 сол. Тамоми энергияе, ки сокинон истифода мебаранд аз нефт сар карда то ангишт аз кишварҳои дигар интиқол дода мешаванд. Шароити зиндагии ин давлат он чунон хуб аст, ки ҳар рӯз тақрибан 200 ҳазор одам аз ҳамсоякишварҳо барои кор кардан ба ин ҷо меоянд.
Номи ин давлат Люксембург аст. Ҳар гоҳе сухан дар бораи кишварҳои аз ҳама ҷиҳат таъмин аз ҷумла аз ҷиҳати молиявию моддӣ меравад ба пеши назарамон ҳамагӣ номи чанд давлат меояд. Дар қатори онҳо албатта номи давлати хурду сарфарози герсогии бузург ҳам қарор мегирад. Миёни кишварҳои хурд ё карликии Аврупо Люксембург давлати калонтарин аст. Яъне миёни давлатҳои хурди қитъа аз ҳама бузургтар аст.
10 сен 2020
