Қызылорда облысында шенеуніктер бюджеттің бақандай 1,5 миллиард теңгесін жерге көмген. Ашып айтсақ, Жаңақорғанда жақында ғана пайдалануға берген мектептің іргетасының астына салынған сейсмикалық бетонға бола осынша қаражат жұмсалған екен. Ал небәрі 600 оқушыға арналған ғимараттың жалпы құны 2 миллиард теңгеден асады. Қыруар қаражат жұмсалса да, білім ұясында не балалар ойнайтын спорт алаңы, не акт зал жоқ. Мемлекеттің миллиардтары шығындалған жаңа жобаның жоқ-жітігін әріптесім Абай Нұржанұлы анықтап қайтты.
АБАЙ НҰРЖАНҰЛЫ, тілші:
- Дәл мына білім ұясы жақында ғана пайдалануға берілгенімен мектеп ғимаратының кем-кетіктері жетерлік дейді мұнда тексеру жүргізген ұйымның өкілдері. Мәселен, мектептің төбесінде жауын суы ағып кететін су ағар жоқ. Одан бөлек мүмкіндігі шектеулі жандардың ғимаратқа емін-еркін кіріп-шығуына кедергілері көп. Ал ең қызығы, мектептің сыртында балалар ойнайтын спорт алаңқайы әлі салынбаған.
Негізінен білім ұясын салуға бюджеттен 2 миллиард 200 миллион теңгеге жуық ақша жұмсалған. Сөйте тұра, мектептің кемшіліктері кіре берісінен-ақ көзге анық көрінеді. Айта кетсек, көлік тұрағы жобада болғанымен, ол орынға асфальт төселмеген. Ауладағы арықтар да орашолақ қазыла салған. Ал мемлекеттің миллардтары шығындалған ғимаратта тіпті акт зал да қарастырылмаған. Сондықтан оқушылар мәдени іс-шараларды дәлізде өткізеді. Ал жаңа жобаның жоқ-жітігін анықтаған қоғамдық бірлестік өкілдері қыруар қаражат желге ұшты деп есептейді.
ЛӘЗЗАТ БАҚТЫБАЕВА, "Әділдік жолы" республикалық қоғамдық бірлестігінің өкілі:
- Салыстырмалы түрде айтатын болсақ дәл осындай сыйымдылықтағы мектептің Тараз қаласында жаңағы айтылған жабдықтардың барлығы қамтылған мектептің құны небәрі 1 миллиард теңге болып отыр. Яғни бюджет қаражатын желге ұшыру фактісі болып отыр.
Бұл білім ұясы осы үшінші тоқсаннан бастап пайдалануға берілген. Ал мектеп директорының өзі жаңа ғимаратпен әлі толық танысып шықпағанға ұқсайды. Тіпті мұнда не бар, не жоқ екенін де білмейтін сияқты.
ӘДІЛМЫРЗА ТӘЖИМОВ, Жаңақорған ауданындық №169 мектеп директоры:
- Проект бойынша жоқ, бірақ бізде үлкен залдар бар. Сол залдарды акт зал есебінде пайдаланамыз. Спорт алаңы бар сыртта. Қарастырылған смета бойынша.
Ал жобалық құжаттаманы дайындаған жауаптылар неге екені белгісіз ғимаратты асты суға толған аумаққа саламыз деп шешкен. Сондықтан бөлінген қаражаттың бір жарым миллиард теңгесі мектептің астын нығайтуға жұмсалды дейді олар.
ОРМАН АХМЕТОВ, Жаңақорған аудандық құрылыс бөлімінің басшысы:
- Бұл мектептің орналасқан жері су деңгейі екі метр көлемінде шығып тұр. Сол себепті сейсмикаға байланысты вопростар туындаған. И қымбаттауы осы себепті. Себебі бұл мектеп қазір екі метр бетонның үстінде тұр. Жарылмауы үшін.
2 миллиард теңгеден аса ақша бөлінген білім ұясының шала жасалғанын аудан басшылары да біліп отыр. Олар алдағы уақытта мұның барлығы жөнделеді деп сендірді. Яғни жаңа жобаның кемшілігін қалыпқа келтіру үшін тағы мемлекеттің қаражаты жұмсалмақ.
Бізді әлеуметтік желіде оқыңыздар:
RU-vid - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
17 окт 2024
