Дар донишгоҳ бо ибтикори Шуъбаи кор бо ҷавонон ва кафедраи ҳуқуқи факултети таърих ва ҳуқуқ конференсияи ҷумҳуриявии илмию амалӣ дар мавзуи "Нақши ҷавонон дар таҳкими сулҳу суботи Тоҷикистон" баргузор гардид.
Дар кори конференсия Фаридун Ҳусейнзода, намояндаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Аслам Хушвахтов, намояндаи Раёсати кор бо ҷавонони шаҳри Душанбе ва Наҳтулло Айнуллозода, Нигора Назарзода, муовинони ректори донишгоҳ ва дигар шахсони расмӣ иштирок ва суханронӣ намуданд.
Ҳамоишро Наҳтулло Айнуллозода, муовини аввал, муовини ректор оид ба корҳои таълимӣ ифтитоҳ намуда, назару андешаҳои ҷолиби хешро дар бобати нақши ҷавонон дар таҳкими сулҳу субот баён дошт. Дар идома маърӯзаҳои илмии ҳайати устодон ва донишҷуёни иштирокдори конференсияи ҷумҳуриявии илмӣ-амалӣ фарогири паҳлуҳои гуногуни масоили илми таърих, иқтисод ва ҳуқуқро дар бар мегирифт, ки дар як шакли маҷмуа пешкаши хонанда гардид.
Дар анҷоми конференсия аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба як қатор ҷавонони фаъол барои мусоидат дар татбиқи босамари сиёсати давлатии ҷавонон, саҳми арзанда дар баргузории чорабиниҳои иттилоотиву маърифатӣ, сиёсиву фарҳангӣ, эҳтиром гузоштан ба муқаддасоти миллӣ, саъю талоши созандаву бунёдкорона барои ҳифзи дастовардҳои Истиқлол, густариши ваҳдати миллӣ ва сулҳу суботи меҳан, бахшида ба Рӯзи ҷавонони Тоҷикистон бо сипоспосномаву туҳфаҳои хотирмон қадрдонӣ гардиданд.
Конфронс дар бахшҳо идома ёфта, то рӯзи 25-уми майи соли ҷорӣ идома хоҳад ёфт.
26 сен 2024