КУРНИК😋 

Тиэстэтигэр наада:
• сүөгэй - 200 гр (миэнэ «Молочный дождик»);
• ынах арыыта - 100 гр;
• сода - 0,5 ч.нь.;
• туус - 1 ч.нь.;
• бурдук - 400-450 гр.
Начыыҥкатыгар:
• куурусса филетэ - 300 гр;
• луук - 1 уст.;
• хортуоппуй - 2 уст. (орто размердаах);
• туус - 0,5 ч.нь.;
• хара мэлиллибит биэрэс - кыратык кутаҕыт;
• мас арыыта - 1 ост.нь.;
• киэргэлгэ кунжут.
Бу рецептэн 12 устуука курник тахсар.
Бастаан арыыбытын уулларабыт. Сүөгэйдээх арыыны булкуйабыт, сода, туус кутабыт. Бурдукпутун кутан, тиэстэ мэһийэн таһаарабыт. Холодильникка ууран сынньатабыт.
Ол кэмҥэ начыыҥкабытын бэлэмниибит. Кууруссаны, хортуоппуйу, луугу квадрат гына кырбастыыбыт. Туус, биэрэс, арыы кутабыт, булкуйабыт. Ингредиеннэр эрдэттэн буһаллара наадата суох, духуопкаҕа киирэн барыта буһар.
Духуопкабыт сылый турарыгар 180 кыраадыска холбуубут.
Тиэстэбитин хостоон, 12 чааска арааран шариктары төкүнүтэбит. Хас биирдии шаригы тэнитэн, ортотугар начыыҥкабытын ууран курник оҥортуубут. Киэргэтэн үрдүтүгэр сымыыт уоһаҕынан (желток) сотобут уонна кунжут таммалатабыт.
Эрдэттэн сылытыллыбыт духуопкаҕа 30 мүнүүтэ буһарабыт.
Курникпыт бэлэм буолла.