Ar-ruqiya - الرُّقْيَةُ
Ruqiya so‘zi arab tilidan olingan bo‘lib, lug‘atda Insonlarga zarar keltiradigan har bir narsadan, Allohdan panoh so‘rash va shifo so‘rash, dam solish va bemorga o‘qiladigan oyat va zikir-duolarga aytiladi.
Shariatda esa Ruqiyada o‘qiladigan sura, oyat va duolarni o‘qib, o‘ziga va bemor kishiga ozroq tufugini chiqarib dam solish va Alloh taologa duo qilib, undan shifo so‘rash va Ruqiya oyatlarini eshitishlik.
Birinchi navbatda ruqiya qiluvchi va eshituvchi kishi Allohga tavakkul qilishi ruqiyani o‘ziga suyanib qolmasligi va shifoni Allohdan deb bilishi.
Ruqiya Qur’oni karim va Hadisi shariflarda kelgan shar’iy lafzlarni o‘qib-eshitish bilan bo‘ladi.
Musulmon kishi doimo ertalabki va kechki zikrlarni, oyat hadisda zikr qilingan ruqiya oyatlarini o‘qib eshitib, Allohdan shaytonni makr hiylalari va nafsini yomonligi va har-hil kasallik, balo ofatlardan va hasad qiluvchilarni hasadidan panoh so‘rab yurishi maqsadga muvofiq bo‘ladi.
Alloh taolo kalomida shaytonni yomonligidan o‘zidan panoh so‘rashga chaqiradi.
"وَإِمّا يَنزَغَنَّكَ مِنَ الشَّيطانِ نَزغٌ فَاستَعِذ بِاللَّـهِ إِنَّهُ سَميعٌ عَليمٌ"
"Agar senga shayton tomonidan sanchish sanchilsa, Allohdan panoh so‘ra. Albatta, U yaxshi eshituvchi va yaxshi ko‘ruvchi Zotdir".
Boshqa bir oyatda Qur’onni mo‘minlarga shifo va rahmat o‘laroq nozil qilganini zikir qilgan.
" وَنُنَزِّلُ مِنَ القُرآنِ ما هُوَ شِفاءٌ وَرَحمَةٌ لِلمُؤمِنينَ وَلا يَزيدُ الظّالِمينَ إِلّا خَسارًا "
"Biz Qur’onni mo‘minlar uchun shifo va rahmat o‘laroq nozil qilurmiz. U zolimlarga ziyondan boshqani ziyoda qilmas".
"Qur’oniy ruqiya"lar Payg‘ambar alayhissalom va sahobai kiromlar o‘qib-dam solib yurgan oyatlardir. "Qur’oniy ruqiya"lar bir qancha oyatlar bo‘lib, ulardan biri haqida quyidagi hadisi sharifda xabar berilgan:
عَنْ أَبِي سَعِيدٍ الْخُدْرِيِّ رَضِي اللهُ عَنْهُ:
أَنَّ نَاسًا مِنْ أَصْحَابِ النَّبِيِّ صَلَّى اللهُ عَلَيْهِ وَسَلَّمَ أَتَوْا عَلَى حَيٍّ مِنْ أَحْيَاءِ الْعَرَبِ
فَلَمْ يَقْرُوهُمْ، فَبَيْنَمَا هُمْ كَذَلِكَ إِذْ لُدِغَ سَيِّدُ أُولَئِكَ، فَقَالُوا: هَلْ مَعَكُمْ مِنْ دَوَاءٍ أَوْ رَاقٍ؟ فَقَالُوا : إِنَّكُمْ لَمْ تَقْرُونَا، وَلَا نَفْعَلُ حَتَّى تَجْعَلُوا لَنَا جُعْلًا. فَجَعَلُوا لَهُمْ قَطِيعًا مِنَ الشَّاءِ، فَجَعَلَ يَقْرَأُ بِأُمِّ الْقُرْآنِ، وَيَجْمَعُ بُزَاقَهُ، وَيَتْفِلُ، فَبَرَأَ، فَأَتَوْا بِالشَّاءِ، فَقَالُوا: لَا نَأْخُذُهُ حَتَّى نَسْأَلَ النَّبِيَّ صَلَّى اللهُ عَلَيْهِ وَسَلَّمَ، فَسَأَلُوهُ فَضَحِكَ وَقَالَ: وَمَا أَدْرَاكَ أَنَّهَا رُقْيَةٌ، خُذُوهَا، وَاضْرِبُوا لِي بِسَهْمٍ
رواه الإمام البخاري.
Abu Sa’id Xudriy (roziyallohu anhu)dan rivoyat qilindi:
"Nabiy sollallohu alayhi vasallamning sahobalaridan bir guruhi arab qabilalaridan birining huzuriga kelgan edi, ularni mehmon qilishmadi. Shu asnoda to‘satdan o‘shalarning boshlig‘ini chayon chaqib oldi. Ular: "Sizlarda biror dori-darmon yoki dam soluvchi bormi?" deb so‘rashdi.
Shunda bular: "Sizlar bizni mehmon qilmadingiz, endi to bizga biror haq belgilamaguningizcha hech narsa qilmaymiz!" deyishdi.
Ularga bir poda qo‘y belgilashdi.
(dam soluvchi) "Ummul Qur’on" Fotiha surasini o‘qib, tupugini yig‘ib, suf- suf qilib suflay ketdi. Shunda boshliq tuzalib qoldi. Ular aytilgan qo‘ylarni keltirishdi. Shunda (sahobalar): "To Nabiy sollallohu alayhi vasallamdan so‘ramagunimizcha olmaymiz", deyishdi. Keyin u zotdan so‘rashgan edi, u zot kuldilar va: "Uning (Fotihaning) ruqiya ekanini qayerdan bildingiz?
Ularni olaveringlar va menga ham ulush ajratinglar", dedilar".
Imom Buxoriy rivoyati.
Allohim bizlarni shaytonni makr hiylasidan va nafsimizni yomonligidan har hil balo ofatlardan kasalliklardan omonda qilgin.
Bemorlarimiz dardiga shifo bergin, boshimizdagi bu karonavirus balosini bizdan daf qilgin.
Abdussomad Habibulloh o’g’li tayyorladi
ma'lumot manbaasi: ALQURANUZ
2 окт 2024