Күнәні кешіретін 10 жол : ● Дүниедегі болатын 4 жол : 1) Тәубе жасау 2) Көп кешірім сұрау (күнә жасамасада) 3) Ізгі - салиқалы амалдарды көбейту 4) Сынақ келсе, оған сабыр ету ● Барзах әлеміндегі 3 жол : 5) Бауырлары ол үшін кешірім сұрауы 6) Бауырларының оған бағыштаған жақсы амалдары 7) Қабірдің сынағы ● Қиямет күні (есеп қисап кезінде) болатын 3 жол : 8) Шапағатшылардың шапағаты арқылы күнәнің кешірілуі 9) Қиямет күнінің сынақтары (терлеу,қорқыныш) 10) Аллаһ Та'аланың мейірімі, кешірімі,аяуымен кешіріп жіберуі ешқандай себепсіз.
Әғар ибн Ясар әл-Музәнниден келген риуаят бойынша Пайғамбарымыз ﷺ былай деген: «Ей, адамдар! Аллаға тәубе етіңдер, Одан жарылқау тілеңдер. Мен күнде жүз рет тәубе етемін» (Муслим, Зікір 42).
«(Уа, Мұхаммед) пенделеріме айт: Ей, өз бастарына залал келтірген пенделерім! Алланың рақымынан үміт үзбеңдер. Алла (қалаған адамның) барлық күнәсын кешіреді. Ол өте кешірімшіл, асқан мейірімді» («Зумар» сүресі, 53 аят).
«Уа, мүминдер! Шын ниетпен Аллаға тәубе етіңдер! (Сонда ғана) Раббыларыңнан күнәларыңды жойып, іргесінен бұлақтар ағып жататын жәннатқа кіргізу үміт етіледі. Алла ол күні пайғамбарды және онымен бірге иман келтіргендерді қорламайды...» («Тахрим» сүресі, 8-аят).
