БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Еліміздегі мектеп асханалары түгел тексерілетін болды. Бұл шараға Маңғыстау облысындағы оқушылардың жаппай астан улануы себеп болған. Бесшоқы ауылындағы білім ошағында тамақтанған бастауыш сыныбының 460 баласы өздерін нашар сезінген. Қазір ауруханада 83 ұл-қыз әлі емделіп жатыр. Олардың нақты қандай астан уланғаны арнайы сынаманың қорытындысынан кейін белгілі болмақ. Балаларын алаңдап, емдеу мекемесін жағалап жүрген ата-аналармен өңірдегі әріптесім Махаббат Нұржанқызы тілдесіп келген еді.
Жаңа оқу жылының алғашқы аптасында Бесшоқы ауылының оқушылары жаппай астан уланып, ауруханаға түсті. Жұма күні сабақтан үйше келген бетте бастауыш сыныбының ұл-қыздары өздерін жайсыз сезіне бастаған. Іштері ауырып, құсып, қызуы көтерілген балаларды ата-аналары бірден жедел жәрдеммен емдеу мекемесіне жеткізген.
ЖАНАР ИСАНГЕЛДИЕВА, Бесшоқы ауылының тұрғыны:
- Температура 39-40, қанша дәрі берсем де температурасы бір де бір түспеді. Балама не жедің десем пюре мен котлет жедім деді.
АЙМАН БЕКҚАРАЕВА, Бесшоқы ауылының тұрғыны:
- Түнгі сағат 2 жарымның уақыты. Тұрсам балам қалтырап жатыр екен. «Мама жүрегім айнып жатыр, құсқым келеді» деді. Мынау не де болса салқындаған деп ойладым, отравление деген жоқпын. Бұл кейіннен айтты балам «мама, мектепте жеген пюренің дәмі ашып кеткен» деді.
Белгілі болғандай, елдімекендегі жалғыз білім ошағының 460 баласы дәрігерге қаралыпты. Оның 377-сі үйіне жіберілген екен. Ал 83 оқушы әлі де ауруханада емделуде. Денсаулық сақтау басқармасының басшысы жансақтау бөліміне түскен екі баланың жағдайы жақсарып, оларды палатаға ауыстырдық деп отыр.
БЕКБОЛАТ ІЗБАСАРОВ, Маңғыстау облыстық денсаулық сақтау басқармасының басшысы:
- Балалар ауруханаға түскен кезде тағамды токсикалық инфекция белгілерімен түскен болатын. Яғни іші ауыру, құсу, жүрегі айну, іш өту белгілерімен түскен болатын. Қазір оқушылардың барлығы консервативті ем қабылдап жатыр. Тағамнан санитарлық эпидемиологиялық бақылау басқармасына қажетті сынамалар алынған болатын. Бүгін-ертең қорытындысы шығу керек.
Мектеп асханасы қазір жабық тұр. Шенеуніктер нөмірі сегізінші мектепте балаларға ыстық тамақ уақытша берілмейді деді. Ал білім ошағының директоры оқушылардың асына жауапты компаниямен 9 жылдан бері жұмыс істеп келе жатырмыз. Мұндай жағдай бірінші рет тіркелді деп отыр.
ТОЙЛЫБАЙ АЙМАҒАМБЕТОВ, Мұнайлы ауданы № 8 мектебінің директоры:
- Кәсіпкер енді 9 жылдан бері менің алдымдағы басшылармен де жұмыстас болған. 3 жыл сайын конкурсқа тендерге түсіп, өзі жеңіп алып келе жатыр осы уақытқа дейін. Осы уақытқа дейін мұндай нәрсе орын алған жоқ.
Күллі елді елең еткізген оқиғадан кейін тергеу тобы құрылды. Қазір «санитариялық қағидаларды немесе гигиеналық нормативтерді бұзу» бабы бойынша қылмыстық іс қозғалған. Жүздеген баланың денсаулығына нақты қандай тағамның кері әсер еткені зертханалық тексерістен кейін белгілі болмақ. Осы жайттан кейін Үкімет басшысы Олжас Бектенов бір ай ішінде еліміздегі барлық мектептердің асханаларына мониторинг жүргізіп, санитарлық және эпидемиологиялық талаптардың сақталуын тексеріп шығуды тапсырды.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/c...
TikTok - www.tiktok.com...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
16 сен 2024
