Маңғыстау облысының кейбір шаруа қожалықтары «ҚазТрансГазАймақ» компаниясы халықты газ қалдықтарымен улап жатыр деп кінәлайды. Айтуларынша алпауыт компания соңғы уақытта тәулігіне бірнеше рет ауаны газ қалдығымен ластаған. Мұның салдары аймақты экологиялық апатқа әкелуі мүмкін. Өңірдің экология департаменті зиянды қалдықтарды «ҚазТрансГазАймақтың» төгіп отырғанын анықтаған. Бірақ компания оны растамады.
Бұл мал баққан азаматтардың түсіріп алған бейнежазбасы. Олардың айтуынша, Ақтаудың іргесіндегі «Р разьезінің» маңында күніне екі-үш мәрте газ қалдығы ауаға жіберіледі. Бұл жағдайды үш жыл бойы көзімізбен көріп отырмыз деген малшылар халық қоныстанған аумаққа газ қалдығының төгілуін бассыздық деп санайды. Мұндай әрекет бұдан әрі жалғаса берсе, аймақ экологиялық апатқа ұшырай ма деп қорқады.
ҚАЛИЖАН ИСАТАЕВ, малшы:
- Мен 2018 жылы келдім осы жерге. Содан бері бар бұл проблема. Мынау "ҚазТрансГаздың" газы жіберіп жатқан ауаға. Күнде екі рет, кейде үш рет жібереді. Ондай кезде не только адам, мал да дем ала алмайды. Малдар да жөтеліп қалады соның ық жағында тұрған малдар болса.
ЕСЕНМҰРАТ СЕЛИКОВ, малшы:
- Батыр ауыл бар, Маңғышлақ, Қызыл төбе-2, Ақтау қап-қара түтіннің арасында. Тексеріп, мына жерді тазаласын, бірдеңе қылу керек қой. Зиян адамға. Малға зиян болғаннан кейін малдың етін жейміз, сүтін ішеміз. Оның бәрі зиян болады ғой.
Ал облыстық экология департаментінде газ қалдығын құбыр арқылы ауаға жіберіп отырған компания «ҚазТрансГазАймақ» екені анықтаған. Алайда, әзірге ол компанияның қоршаған ортаға қандай көлемде залал келтіргені зерттелмеген. мамандар «біз ҚазТрансГазАймаққа газ қалдығын төгуге рұқсат берген жоқпыз» дейді. Департамент бұл компания ауаны қаншалықты ластаған болса, соншалықты айыппұл төлейді деп сендіреді.
ЕРЖАН ЖҰМАШЕВ, Маңғыстау облыстық Экология департаменті бақылау бөлімінің басшысы:
- ҚазтрансГазАймақ мекемесіне жоспардан тыс тексеріс ашылды. Ластаушы заттардың шығындарын тоқтататын боламыз, тексеру жүргізіледі. Тексеру қорытындысы бойынша қандай ластаушы заттар таралғанын, біздің лабораториямыз бар содан сынаманың қорытындылары бойынша ақпарат беріледі.
Ал «ҚазТрансГазАймақ» басышылығы бұл маңда төгілетін газ қалдығына компанияның ешқандай қатысы жоқ екенін жеткізді. Олар қалдықты тек рұқсат етілген мөлшер бойынша төгіп отырғандарын айтады.
Махаббат Нұржанқызы, Сәбит Амангелдіұлы
Бізді әлеуметтік желіде оқыңыздар:
RU-vid - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#экологиялық_апат #ҚазТрансГазАймақ #Маңғыстау #ластау #наразылық
3 май 2021
